Qazaqstandyq tennısshi Gozal Aınıtdınova Egıpettiń Sharm-el-Sheıhe qalasynda ótip jatqan halyqararalyq týrnırdiń shırek fınalyna shyqty.
Tusaýkeser kezdesýde germanııalyq Katarına Gerıngti 6:4, 6:3 esebimen utqan jerlesimiz kelesi kezeńde gollandııalyq Arıann Hartonodan basym tústi – 6:3, 7:6. Endi ol shırek fınalda óner kórsetedi. Sondaı-aq, Gozal reseılik Ekaterına Kazıonovamen birge juptyq saıysta slovakııalyq Katarına Kýzmova men Lenkı Staroıǵa 6:3, 6:2 esebimen san soqtyryp, jartylaı fınalǵa joldama aldy.
Mysyr elinde Gozal Aınıtdınovadan bólek, Qazaqstannyń taǵy bir tennısshisi baq synaǵan edi. О́kinishke qaraı, Jibek Qulambaeva ekinshi aınalymnan asa almady. Ol amerıkalyq Nadıa Gılkrıstke ese jiberdi – 4:6, 3:6.
Ǵalym SÚLEIMEN,
«Egemen Qazaqstan»