Batys Qazaqstan oblysy Tótenshe jaǵdaılar
departamenti bastyǵy orynbasary azamatyq qorǵaý maıory Taýbekov Nýrlan Seıdahanuly vedomstvoda jaqsy
jetistikeri jáne biliminiń joǵary kórsetkishteri bar jastardy shetelde bilim
alýǵa múmkinidigi bar ekendigin atap ótti. Búgingi kúni QR IIM TJK KTI
azamattyq qorǵaý mamandaryn ázirleıtin biregeı «kadr daıyndaý ortalyǵy» bolyp
tabylady. Atalǵan ınstıtýt túlegi, QR Tuńǵysh Prezıdentinen azamattyq qorǵaý
leıtenanty pogonyn alǵan Darhan Bektursynov jáne Reseı Federasııasy Azamattyq
qorǵanys akademııasyn támamdaǵan Ábilhat Ádilbekov ózderiniń oqý barysy týraly alǵan
áserimen bólisti. Sonymen qatar Kókshetaý tehnıkalyq ınstıtýty jáne Tótenshe
jaǵdaılar komıteti bólimsheleriniń jumysy jóninde beınerolık kórsetilip,
ınstıtýtqa túsý sharttary jáne oqý tártibi bar jadynamalar taratyldy. Is-shara
qyzmetker jáne olardyń balalarymen ázirlengen konserttik baǵdarlamamen jalǵasty.
Merekelik kún joǵarǵy oqý ornyna túsýge nıet bildirgen túlekterdiń tehnıkany
qaraýymen aıaqtaldy.