AQSh prezıdenti Donald Tramp Ormuz buǵazy arqyly kemelerdi alyp júrý operasııasy ýaqytsha toqtatylǵanyn málimdedi. Onyń aıtýynsha, bul sheshim Iranmen kelissózderdegi «eleýli ilgerileýge» baılanysty qabyldanǵan, dep habarlaıdy Egemen.kz.
Aq úı basshynyń sózinshe, eki el arasyndaǵy kelisimde aıtarlyqtaı progresterge qol jetkizilgen.
«Iranmen tolyq ári túpkilikti kelisimge kelý baǵytynda aıtarlyqtaı ilgerileý bar. Osyǵan baılanysty Ormuz buǵazy arqyly kemeler qozǵalysyn qamtamasyz etetin «Svoboda» jobasyn qysqa merzimge toqtata turýǵa kelistik», dep jazdy Donald Tramp óziniń Truth Social platformasynda.
Ormuz buǵazyndaǵy jaǵdaı: Iran málimdeme jasady
AQSh ákimshiligi naqty qandaı nátıjelerge qol jetkizilgenin jáne úzilis qansha ýaqytqa sozylatynyn naqtylaǵan joq. Iran tarapy ázirge bul málimdemege jaýap bermedi.
Aıta keteıik, Project Freedom operasııasy 4 mamyrda bastalǵan. Osy ýaqyt ishinde AQSh áskerı kúshteriniń qorǵaýymen birneshe saýda kemesi Ormuz buǵazy arqyly ótken. Bul aımaq arqyly álemdik munaı jetkiziliminiń shamamen 20 paıyzy ótedi.
Iranda kontrabandalyq janarmaı tasymaldaǵan bes keme ustaldy
Sonymen qatar, Birikken Arab Ámirlikterinde jaǵdaı shıelenisip tur. Eldiń áýe qorǵanys júıeleri qatarynan eki kún boıy Iran tarapynan ushyryldy delingen zymyrandar men drondarǵa toıtarys bergen. Alaıda Iran bul aıyptaýlardy joqqa shyǵardy.
Nurbolat AMANBEK