Qazaqstan azamattardyń jeke málimetterin qorǵaýdy kúsheıtýge baǵyttalǵan jańa zańnamalyq túzetýlerdi ázirlep jatyr. Bul ózgerister derbes derekterdiń qorǵalýyna qatysty konstıtýsııalyq normalardy naqtylaı túsýdi kózdeıdi, dep habarlaıdy Egemen.kz.
Zań jobasyna sáıkes, derbes derektermen jumys isteıtin operatorlar óńdeıtin aqparat kólemi men yqtımal qaýip deńgeıine qaraı shaǵyn, orta jáne iri sanattarǵa bólinedi. Soǵan baılanysty ár sanatqa qoıylatyn talaptar da ózgeshe bolady. Osylaısha, salada táýekel deńgeıine negizdelgen retteý tetigi engizilmek.
Jeke derekter men gadjetterdi alaıaqtardan qalaı qorǵaýǵa bolady?
Jańashyldyqtardyń biri – taralyp ketken derbes derekterdiń arnaıy tizilimin qurý. Memlekettik aqparattyq júıe arqyly árbir azamat ózine qatysty qandaı málimetterdiń ashyq qoljetimdilikke shyǵyp ketkenin nemese taralý qaýpi bar ekenin teksere alady. Bul jeke derekterdiń zańsyz qoldanylýynyń aldyn alyp, azamattarǵa der kezinde qorǵaný sharalaryn qabyldaýǵa múmkindik beredi.
IýNISEF: Jańa Konstıtýsııa sıfrlyq dáýirde jeke derekterdi qorǵaýdy kúsheıtedi
Sonymen birge derbes derekterdi jarııalaý jáne uıymdar arasynda almasý kezinde qaýipsizdik talaptary kúsheıtiledi. Mysaly, ashyq túrde jarııalanýy tıis qujattarda jeke málimetter mindetti túrde jasyrylýy qajet. Budan bólek, hesh-kod qoldaný jáne operatorlar arasynda aqparat almasqanda derekterdi shıfrlaý talaby engiziledi.
Pavlodarda 2 000-nan astam qyzmetkerdiń jeke deregi ınternette taralyp ketken