Qasym-Jomart Toqaev jedelhatta Qytaıdyń Hýnan ólkesindegi pırotehnıkalyq zaýytta oryn alǵan jarylys saldarynan kóptegen adamnyń qaza tabýyna baılanysty sýyt habardy tereń kúızelispen qabyldaǵanyn jazǵan, dep habarlaıdy Egemen.kz.
Prezıdent jaqyndarynan aıyrylǵan otbasylarǵa sabyr, al jaraqat alǵan adamdardyń saýyǵyp ketýlerine tilektestik bildirdi.
Eske salaıyq, keshe Qytaıdyń Hýnan provınsııasy aýmaǵyndaǵy pırotehnıkalyq zaýytta jarylys boldy. Oqıǵa saldarynan 21 adam qaza taýyp, 61 adam jaraqat aldy.