Byltyr jyl sońynda jańa ataýǵa ıe bolǵan Altaı aýdanynyń ortalyǵy – Altaı qalasynda basseıni bar 500 oryndyq sport kesheni salynbaq. Qalanyń bas josparyna engen dene shynyqtyrý jáne saýyqtyrý kesheni 2 qabattan turady dep josparlanǵan.
«500 oryndyq nysanda basketbol, voleıbol, shaǵyn fýtbol oınaýǵa bolady. Jeńil atletıkamen aınalysýǵa qolaıly júgirý jolaqtary da qarastyrylǵan. Jaýyngerlik sport túrlerine arnalǵan jattyǵý zaly, júzý zaly da oılastyrylǵan», - deıdi Altaı aýdandyq sáýlet, qurylys jáne qala qurylysy bóliminiń basshysy E.Mamataev.
Qazirgi ýaqytta nysannyń jobalyq-smetalyq qujattary ázirlenip, memlekettik saraptamaǵa jiberilipti.
Shyǵys Qazaqstan oblysy