Memleket basshysyna azamattardyń densaýlyǵyn nyǵaıtýǵa, Qazaqstandaǵy medısınalyq kómektiń sapasyn arttyrýǵa jáne onyń qol jetimdiligine qatysty qabyldanǵan sharalar jóninde esep berildi.
Qasym-Jomart Toqaev elimizdiń densaýlyq saqtaý júıesine jetkilikti qarajat bólinetinin atap ótti. Bul qarjyny onyń tıimdiligin arttyrýǵa, ishki resýrstardy jumyldyrýǵa jáne medısına qyzmetkerleriniń eńbekaqysyn ósirýge jumsaý qajettigin aıtty.
Elbasy men Qazaqstan Prezıdentiniń tapsyrmalary boıynsha 2019 jylǵy 1 maýsymnan bastap jalaqysy tómen medısına qyzmetkerleriniń eńbekaqysy 30 paıyzǵa artady.
Eljan Birtanov Memleket basshysyna alǵashqy medısınalyq-sanıtarlyq járdem sapasyn arttyrýǵa, dárigerlerdiń jumys júktemesin azaıtýǵa, turǵyndardyń skrınıngpen qamtylýyn keńeıtýge, medısınalyq qyzmet kórsetý isin sıfrlandyrýǵa jáne Nur-Sultan qalasyndaǵy Ulttyq ǵylymı onkologııalyq ortalyq qurý týraly jobany júzege asyrýǵa qatysty júrgizilgen jumystar jóninde baıandady.
Sońynda Qazaqstan Prezıdenti halyqaralyq ozyq tájirıbeni paıdalana otyryp, otandyq densaýlyq saqtaý salasyn damytý úshin aldaǵy ýaqytta tıisti sharalar qabyldaýdy tapsyrdy.