Kásipodaqtar federasııasy qoldaý kórsetýge úndedi

Elordada Kásipodaqtar federasııasy atqarý komıtetiniń kezekten tys keńeıtilgen májilisi ótti. Onda Qazaqstanda kezekten tys prezıdenttik saılaý ótkizý týraly másele talqylandy. Májilistiń otyrysyna Kásipodaqtar federasııasynyń, salalyq kásipodaq birlestikteriniń jáne iri bastaýy­sh kásipodaq uıymdarynyń jetekshileri qatysty. Qatysýshylar Memleket basshysynyń elimizdegi barlyq áleýmettik jaýapkershiligi joǵary, jasampaz kúshterdi Qazaqstan Respýblıkasynda halyqaralyq normalar men standarttarǵa saı ádil de ashyq saılaý ótkizýge qoldaý kórsetý týraly málimdemesine biraýyzdan qoldaý kórsetti.

Qazaqstan Respýblıkasy Kásipodaqtar federasııasynyń Qazaqstan Respýblıkasy Prezıdentiniń kezekten tys saılaýyn qoldaý týraly úndeýi

Qazaqstan Respýblıkasynyń Kásip­odaq­tar federasııasy Memleket basshysy Q.Toqaevtyń Qazaqstan Respýblıkasy Prezı­dentiniń kezekten tys saılaýyn ótkizý týraly bastamasyn qoldaıdy.

Qazaqstan Respýblıkasynyń Kons­tı­tý­sııasy – elimizdegi saıası úrdistiń tıimdi quraly retinde mem­lekettik bılik tarmaqtarynyń birligi men ózara úılesimdi baılanysyn, konstıtýsııalyq zań­dy­lyqtyń nyǵaıýyn, adamnyń jáne azamattyń qu­qyq­tary men bostandyqtaryn qamtamasyz etetin tetik.

Elimizdegi saıası júıeniń damý barysy Táýelsiz Qazaqstannyń qalyptasyp, ósip-órkendeýiniń jáne nyǵaıýynyń zańdy úrdisi bolyp tabylady. Osy oraıda elimizde ótkiziletin prezıdenttik saılaý – barsha qazaqstandyqtardyń azamattyq bostandyǵynyń ajyramas bóligi, aıqyn dáleli.

Biz Qazaqstannyń azamattar men qoǵam­nyń ál-aýqatyn jaqsartýǵa baǵyttalǵan áleý­mettik damýyn jáne úılesimdi qoǵamdyq-saıa­sı baǵdaryn jalǵastyra beretindigine senim­dimiz.

Sonymen qatar eńbekkerlerdiń quqyǵyn qorǵaý, laıyqty eńbek úshin tıimdi sharttar qalyptastyrý, sondaı-aq áleýmettik áriptestiktiń tıimdi yntymaqtastyǵy salasyna qatysty kóptegen kókeıkesti máselelerdi sheshýdiń mańyzy zor ekenin túsinemiz.

Bul jaýapty mıssııany zań boıynsha saı­lanǵan Qazaqstan Respýblıkasy Pre­zı­den­­tiniń basshylyǵymen turaqtylyq, aıqyn­dyq jáne ashyqtyq jaǵdaıynda atqarǵan jón. Biz elimizdegi barlyq áleýmettik ja­ýapker­shiligi joǵary, jasampaz kúshterdi Qazaqstan Respýb­lıkasynda barlyq halyq­aralyq normalar men standarttarǵa saı ádil de ashyq saılaý ótki­zýge qoldaý kórsetýge shaqyramyz.