О́z sózinde atap ótkendeı, Prezıdenttiń Úkimet, Parlament jáne partııa basshylarymen aqyldasa otyryp qabyldaǵan bul sheshimi eldegi tynyshtyqty, saıası-áleýmettik turaqtylyqty saqtaý maqsatynda qabyldanyp otyr dep esepteımiz. Demokratııalyq qoǵamda retimen, tártibimen bolatyn kezekti saılaý Qazaqstan úshin syndarly jańa kezeńniń bastaýy bolmaq.
Qasym-Jomart Kemelulynyń Tuńǵysh Prezıdentimizdiń qasynda senimdi serigi ári izbasar kómekshisi bolyp kóp jyldar qyzmet atqaryp kelgeni málim. Ǵylym men tehnologııanyń qarqyndy damýy, qazirgi zamandaǵy álemde bolyp jatqan áleýmettik-ekonomıkalyq, mádenı jáne saıası ózgerister bizge de kóptegen talap qoıyp otyr. Sol sebepti el basqarý isinde mol tájirıbe jınap, el ishindegi máselelerge qanyq bolyp júrgen Prezıdentimizdiń ıgi bastamalaryna halyq bolyp qoldaý bildirýimiz kerek dep esepteımin.
El birligi men beıbitshiligi – basty qundylyǵymyz! Halqymyzdyń negizgi maqsat-muraty osy ekeni barshaǵa aıan. Beıbit, toqshylyq zaman bolmaı, óner-bilim, mádenıettiń de damýy ekitalaı. Sondyqtan respýblıkamyzdaǵy turaqtylyqtyń kepili bolyp otyrǵan qazirgi ustanǵan baǵytymyz jalǵasyn tabady dep oılaımyn. Bul saılaý – eldegi beıbitshilik pen kelisimdi saqtaı otyryp, áleýmettik-saıası jańǵyrýǵa, álemniń ozyq elderi qataryna qosylý jolynda jańa demokratııalyq erkin bolashaqty qurýǵa múmkindik bermek.
Arman JÚDEBAEV,
Qurmanǵazy atyndaǵy Qazaq ulttyq konservatorııasynyń rektory