El tutqasyn ustaıtyn memleket basshysyn saılaý adamnyń da, qoǵamnyń da ómirindegi eń bir jaýapty sát, jaýapty qadam dep bilem. О́ıtkeni el saılaǵan Prezıdent sol eldiń atynan, tutas bir ulttyń atynan sheshim qabyldaıdy. Al ol sheshimniń áseri búkil memleketke bolady. On segiz mıllıon Qazaqstan halqy kimdi saılasa, sol saılanǵan basshynyń sheshimi on segiz mıllıon halyqtyń taǵdyryna áser etedi. Minekı, sondyqtan da barlyq azamat barynsha saılaýǵa qatysýy kerek. Sóıtip erteń kúńkildemes úshin, ókpelemes úshin óziń sheshim qabyldaýyń qajet. Kimdi saılaısyń, kimge bala-shaǵańnyń taǵdyryn, elińniń taǵdyryn senip tapsyrasyń? Mine, naǵyz jaýapty sát sol. Sol kúni Qazaqstan halqy, onyń saılaýǵa qabiletti azamattary tarıhı sheshim qabyldaıtyn kún.
Asyl dinimizde memleket basqarǵan adamnyń, tipti shaǵyn ujymdy basqarǵan jannyń suraýy ana dúnıede erekshe bolatyny aıtylady. Bul neni kórsetedi. Atam zamannan adamnyń taǵdyrymen oınaýǵa bolmaıtynyn kórsetedi. Iаǵnı sen bes adamdy basqarsań da, bes mıllıon adamdy basqarsań da seniń árbir sheshimińe adamnyń taǵdyry baılanyp tur, sen adamnyń taǵdyryn sheshesiń degen jaýapkershilik, amanat tur. Eń birinshi saılaýshy qatelespeýi kerek. О́ıtkeni sen saılaǵan úmitker erteń óz qolymen tarıhty jasaıtyn tulǵa. Tipten bul turǵyda bes-alty adamdy basqaryp otyrǵan otaǵasyn mysalǵa alsaq bolady. Otaǵasy qatelesip sheshim qabyldasa onyń zardabyn búkil otbasy kóredi. Jemisin de búkil otbasy jeıdi. Al el basqarǵan adam qatelesse ne bolady. Qudaı ondaıdan saqtasyn. El basqarǵan adam qatelikke barmas úshin, halyq múmkindiginshe kásibı tulǵany, tájirıbeli tulǵany tańdaýy kerek. Bizdiń qateligimiz ult basqarǵan adamnyń qateligine ulasyp ketpeý úshin 9- maýsym kúni eń aldymen ózimiz qatelespeýimiz kerek.
Daıyndaǵan Arman Oktıabr