Qaraǵandyǵa jumys saparymen kelgen Qazaqstan Fýtbol federasııasynyń (QFF) Bas hatshysy Azamat Aıtqojın oblystyq dene shynyqtyrý jáne sport basqarmasy jáne «Shahter» fýtbol klýbynyń basshylyǵymen kezdesti.
A.Aıtqojın Qaraǵandydaǵy «Shahter» jáne Temirtaýdaǵy «Metallýrg» stadıondarynda bolyp, ınfraqurylymnyń jalpy jaǵdaıymen tanysty. Eske salsaq, Qazaqstan Fýtbol federasııasynyń alańdarǵa ruqsat berý jáne sertıfıkattaý jónindegi komıssııasy atalǵan eki sporttyq nysanda Qazaqstannyń kásipqoı fýtbol lıgasy aıasynda qandaı da bolsyn jarys ótkizýge tyıym salǵan bolatyn.
Qazir Qaraǵandynyń «Shahteri» premer-lıga komandalary arasyndaǵy Qazaqstan chempıonatynyń oıyndaryn Nur-Sultan qalasyndaǵy «Astana Arena» stadıonynda ótkizip júr.
Qalyptasqan jaǵdaımen jan-jaqty tanysqan Qazaqstan Fýtbol federasııasynyń Bas hatshysy «Shahter» jáne «Metallýrg» stadıondaryna jóndeý jumystaryn júrgizýdiń naqty merzimin belgiledi.