Katonqaraǵaı aýdanynyń Kishi Naryn aýylynyń 60 jastaǵy turǵyny Sibir jarasyn juqtyrýy múmkin degen kúdikpen aýdandyq ortalyq aýrýhananyń juqpaly aýrýlar bólimine jatqyzyldy. Oblystyq qoǵamdyq densaýlyq saqtaý departamenti mamandarynyń bergen málimetterine sensek, naýqas sáýirdiń 11-i kúni sol qolynyń bas barmaǵyna jara shyǵyp, aýdandyq aýrýhanaǵa túsken. «Ol kúndelikti óziniń malyn baǵyp-qaǵýmen aınalysqandyqtan, dárigerler aýrýhanaǵa túsken boıda oqshaýlap, medısınalyq tekserýden ótkizgen. Sondaı-aq túrli synamalar alynyp, asa qaýipti aýrýlarǵa saraptama jasalatyn zerthanaǵa jibergen. Naýqastyń otbasyndaǵy taǵy úsh adamnyń densaýlyǵyn da dárigerler jiti baqylaýǵa aldy. Naqty dıagnoz tereń zerthanalyq saraptamanyń taldamasy shyqqan soń belgili bolady», - deıdi oblystyq qoǵamdyq densaýlyq saqtaý departamentiniń bólim basshysy Hamıt Elýbaev.
Shyǵys Qazaqstan oblysy