Kezdesý barysynda elshi myrza sońǵy jyldary elordada oryn alǵan ózgeristerdi atap ótti. «Biz osy qalada jumys istep jatqanymyzdy baǵalaımyz. 2003 jyly men sizdiń qalańyzda bolyp, Qazaqstan Prezıdentimen kezdestim. Onyń maǵan qandaı nysannyń qaı jerde salynatynyn makette kórsetkeni esimde. Al búgin men kezinde maketin kórgen ǵımarattardy qyzyqtaýdamyn», – dep bólisti áserimen Ýkraına elshisi.
«Qazaqstan men Ýkraına arasyndaǵy qarym-qatynas qarqyndy damýda. Syrtqy saıasat máselelerimen aınalysatyn vedomstvolar arasyndaǵy jáne halyqaralyq uıymdar aıasyndaǵy yntymaqtastyq syndarly bolyp tabylady. Taraptardyń ustanymy zamanaýı halyqaralyq qatynastarǵa qatysty suraqtardyń kóbisi boıynsha sáıkes keledi»,– dedi Baqyt Sultanov.
Ýkraına elshisi elorda ákimin memleketter arasyndaǵy mádenı jáne bilim berý salasyndaǵy ózara baılanystyń damýy jóninde habardar etti.Taraptar Qazaqsatnnyń saıası jáne ekonomıkalyq turǵyda damýyndaǵy ýkraınalyq dıasporanyń joǵary belsendiligin atap ótti. Budan bólek, Qazaqstannyń Kıevtegi mádenı kúnderi men Ýkraınanyń Nur-Sultandaǵy mádenı kúnderi sııaqty resmı is-sharalardy ótkizý múmkindigi talqylandy. Kezdesýde, sondaı-aq, Qazaqstan astanasynda Taras Shevchenkonyń qurmetine eskertkish ornatý múmkidigine qatysty másele qaraldy.