Aıta keter jaıt, atalmysh shara 2017 jyldan beri dástúrli túrde ótkizilip keledi. Sharanyń uıymdastyrýshysy – «QazaqGeography» respýblıkalyq qoǵamdyq birlestigi men ITECA kompanııasy.
«Almaty Travel Fest 2019» qonaqtary qyzyqty áńgimeler men prezentasııalar túrinde tylsym syrǵa toly alys joldarǵa «saıahatqa» attandy. QazaqGeography-diń ekspedısııalary men Qazaqstannyń týrısterge arnalǵan tarıhı mekenderi, qoryqtary jaıly Nurjan Alǵashov sóz bastady. Sharaǵa qatysýshylardy jyl saıyn Aral máselesine qatysty ótkiziletin ǵylymı ekspedısııa qyzyqtyrdy. Odan bólek, Qazaqstandaǵy ishki jáne syrtqy týrızmdi damytýǵa qatysty jasalyp jastqan jumystar jaıly áńgime órbidi. Osy oraıda, týrızmdi damytýdyń basty joldarynyń biri – kelgen qonaqtarǵa jasalatyn jaǵdaı men jyly shyraı tanytýdyń qanshalyqty mańyzdy ekeni talqylandy.
Kórshiles Qyrǵyzstannyń tań qaldyrar tabıǵatyn Bishkeketen kelgen qonaq Azamat Akmatov baıandady. Marokkonyń qupııalary jaıly Dınara Kalımova aıtyp berse, Reseı saıahatshysy Evgenıı Androsov Jańa Zelandııaǵa sapary jaıly sóz qozǵady. Tanymal bloger Aleksandr Soı «soltústik jaryqtaryn» izdeýdegi óz hıkaıasyn baıandap, kópshilik nazaryn qyzyqty oqıǵalarymen baýrady. Laıfstaıl bloger Sáýle Sergazıevna Ońtústik Afrıkaǵa sapary jaıly jáne sol aımaqqa jolǵa shyqqysy kelgen jandardyń qandaı nárselerge nazar aýdarý kerek ekenin tilge tıek etti.
Forýmnyń aıaqtalýyna oraı, jınalǵandar arasynda «NSK» saqtandyrý kompanııasy, «SCAT» avıakompanııasy men Marokko elshiligi usynǵan baǵaly syılyqtar oınatyldy. Aıta keter jaıt, «Nur-Sultan qalasynan Ulan-Batorǵa» deıingi áýe bıletin Almaty qalasy turǵyny jeńip aldy.