- Atyraý oblysy boıynsha kóliktik baqylaý ınspeksııasymen 2018 jyly quqyq buzýshylyqpen ınertti júk tasymaldaıtyn 782 avtokólik quraly anyqtalyp, 34 mln.879 myń 420 teńge aıyppul salyndy. 2019 jyldyń 3 aıynda 174 karer avtokólik quraly ustalyp, olarǵa 11 mln.114 myń 570 teńge aıyppul salyndy. Osy baǵytta ınspeksııamen jergilikti atqarýshy, prokýratýra, polısııa departamenti jáne memlekettik kiris organdarmen birlesken kúsh túsý algorıtmin baqylaý jáne aýyr júk kólikteriniń salmaǵyn tekserý jóninde jol kartasy jasaqtalyp, oblys ákimniń orynbasarymen bekitildi , - deıdi Amanjol Habdeshov.
Aıta keteıik, oblysta ınertti qurylys materıaldaryn óndiretin 9 ashyq karer anyqtalyp otyr. Olardyń 5-eýi oblys ortalyǵynan 180 shaqyrym qashyqtyqta ornalasqan Inder aýdanynyń aýmaǵynda, 2-i Atyraý qalasynyń mańynda, 1-i oblys ortalyǵynan 250 shaqyrym qashyqtyqtaǵy Jylyoı aýdanynda ornalasqan jáne Qyzylqoǵa aýdanynyń ortalyǵy Mııaly selosynan 5 shaqyrym qashyqtyqta 1 karer bar. Monıtorıng nátıjesi kórsetkendeı atalǵan karerler maýsymdyq kezeńmen jumys isteıdi.
Eske sala keteıik, 2017 jyldyń 28 jeltoqsanynda vedomstovaralyq otyrysta oblys ákimi Nurlan Noǵaev oblystaǵy joldardyń nasharlaýyna tikeleı sebepshi úlken júk kólikteri ekenin málimdedi. Artyq júk tıegen júrgizýshilerge shara qoldaný kerektigin aıtyp, kóliktik baqylaý ınspeksııasy qyzmetkerlerine eskertý jasaǵan bolatyn. Aýyr júk kólikteri úshin qaralmaǵan joldardy júrgizýshilerdiń esepsiz paıdalanýy - jol tósendisiniń qysqa merzim ishinde jaramsyz jaǵdaıǵa túsýine yqpal etip otyr.