О́z jumysyn toqtatqan nysandar sot sheshimimen memleket menshigine qaıtarylyp, isker kásipkerlerge berile bastady. «Radýga» kópbeıindi kásiporyn sanalady. Sońǵy jyldary ishinde bes nysanǵa kúrdeli jóndeý júrgizip, óndiris oshaqtaryn saldy. Taǵam, gıgıena,plastıkalyq buıymdar shyǵarýmen aınalysady. Endi taǵy bir ıesiz qalǵan ǵımaratty iske jaratyp, zamanaýı kóterme-saýda ortalyǵyn turǵyzyp, kúzge salym iske qospaq. Onyń jalpy aýmaǵy 6 myń sharshy metrdi quraıdy.
Seriktestik turmystyq hımııa shyǵaratyn fabrıka salýdy da josparlap otyr. Qazir sehta aıyna 100 tonna suıyq sabyn shyǵarylady. Qajetti qutylar da osynda daıyndalady. Shıkizat jergilikti jerlerden jáne Reseıden ákelinedi. О́nimniń bir bóligi syrtqa jóneltiledi. Jańa jeli iske qosylǵannan keıin jylyna 6 myń tonna suıyq jáne qatty sabyn óndiriletin bolady. Sonymen qatar aýyl sharýashylyq agregattaryn shyǵarý da belgilengen. Halyq suranysyna ıe elektr qurylǵylaryna basymdyq beriledi. Bul sehtar kezinde Petropavl aýyr mashına jasaý zaýytynyń menshigine bolǵan.
Bos turǵan ǵımarattyń birin «PP Solutions» JShS-i ıelendi. Burynǵy Kalının zaýyty aýmaǵynda qaıta qalpyna keltirý jumystaryn bastap ketti. Munda zamanaýı «Data» ortalyǵy ornalaspaq. Serverler ornatylyp, álemdik standarttarǵa saı aqparattyq qyzmetter usynylady. Sondaı-aq beıne, aýdıo, elektrondyq aqparattardyń kez kelgen túri óńdeledi. Ortalyq 2020 jyly paıdalanýǵa berilip, 150 adam jumyspen qamtamasyz etiledi