8 ben 12 jas aralyǵyndaǵy balalar úshin baıqaýdyń irikteý kezeńderi elimizde 29 naýryzdan bastap ótýde. Atyraý oblysyna deıin shyǵarmashylyq top Almaty, Shymkent qalalary men Túrkistan, Jambyl, Qyzylorda, Aqtóbe, Batys Qazaqstan jáne Mańǵystaý oblystaryna baryp qaıtty.
Ádil qazylar alqasyn bastap kelgen Atyraý oblysy fınalıstiniń juldyzdy tálimgeri Dınara Sultan balalarǵa arnalǵan aýqymdy jobaǵa alǵash ret qatysqan bolatyn. Soǵan qaramastan, ol baıqaý erejeleri boıynsha kezekti fınalıstti tańdaı aldy.
Fınalǵa joldama alý sáti Tilekqabyl Alfııaǵa buıyrdy. Búldirshin qazylar alqasy men kórermenderdiń aldynda óziń kórsete bildi. Ol qazaq, orys jáne aǵylshyn tilderinde úsh ándi keremet oryndap shyqqty. Daryndy balany anasy bastaǵan bir top jaqyndary qoldap keldi.. Olar «Jandaný álemi» qoǵamdyq qory, Álııa Nazarbaeva men jobanyń shyǵarmashylyq tobyna kishkentaı qazaqstandyqtarǵa ashatyn úlken múmkindikter úshin alǵys bildirdi.
Kúzde Alfııa Qazaqstannyń basqa aımaqtarynyń 16 fınalıstterimen «Juldyzdy Arman úıinde» kezdesedi. Baıqaýdyń Sýperfınalyna daıyndalý maqsatynda balalar vokal, horeografııa jáne ártisttik qabiletterin arttyratyn sabaqtarǵa qatysady.
25 men 27 qazan kúnderi búldirshinder jobanyń aqtyq baǵdarlamalarynda óner kórsetip, baıqaýǵa arnaıy jazylǵan ánderdi oryndaıdy.
«Bala daýysy – 2019» baıqaýynyń jeńimpazy mýzykalyq oqý ornynda bilim alýǵa múmkindik beretin grant pen Dısneılend ertegiler álemine saıahat joldamasyn utyp alady.