Atalmysh forýmdy Qoja Ahmet Iаsaýı atyndaǵy Halyqaralyq qazaq-túrik ýnıversıteti men Túrkistan oblysy ákimdigi uıymdastyrýda. Forýmǵa Ázirbaıjan, Qyrǵystan, Túrkııa, О́zbekstan elderinen jáne Qazaqstan Respýblıkasynyń ózge oblystarynan jas delegattar, belsendi jastar qatysýda. Atalǵan forýmnyń ashylý saltanaty QR Aqparat jáne qoǵamdyq damý mınıstrliginiń Jastar jáne otbasy isteri jónindegi komıtet tóraǵasy M. Qojahmet, Túrkistan oblysy ákiminiń orynbasary M. Otarbaev, TUGVA Túrkııa Respýblıkasy Jastar qorynyń prezıdenti E.Emınoglý, Islam yntymaqtastyǵy Jastar forýmynyń prezıdenti T.Aıhan qatysyp, forýmǵa qatysýshylarǵa sáttilik tiledi.
Forýmnyń maqsaty – óńirdiń damýy men jastar saıasatyn damytý barysynda tájirıbe almasý, oblystyń týrıstik áleýetin arttyrýǵa qosymsha serpin berý, túrkitildes ulttar arasyndaǵy baýyrlastyq baılanystar men dostyq qarym-qatynasty damytý.
Forým aıasynda jastardyń keshki erkin taqyrypta kezdesýleri, «Opentalks» formatyndaǵy seksııalyq jumystary, qatysýshy delegattardyń Túrkistan óńiriniń tarıhı jáne kıeli oryndaryna ekskýrsııasy uıymdastyrylmaq.
Sondaı-aq, Túrki Keńesi jas kóshbasshylarynyń II Forýmynyń ashylý sharasynda Túrki jastarynyń saltanatty sherýi jáne «Túrkistanǵa oralý» túrki halyqtarynyń etno-óner festıvali bastaldy.
Tuńǵysh ret uıymdastyrylyp otyrǵan etno-óner festıvali túrkikitildes ulttar arasyndaǵy baýyrlastyq baılanystar men dostyqty, túrkilik mádenıet pen ónerdi urpaqtan urpaqqa dáripteý, qazaq jáne túrkitildes halyqtardyń dástúrli mýzykasyn jan-jaqty jetkizýdi kózdeıdi.
Festıval barysynda túrkitildes halyqtarynyń etnofolklorlyq ansamblderi men dástúrli oryndaýshylary, ulttyq aspapta jeke oryndaýshylar óner kórsetedi.
Baýyrlas eldiń basyn qosqan aýqymda sharada jınalǵan qonaqtar Túrki halyqtarynyń qoldanbaly óner kórmesin tamashalady.