Sársenbi, 20 aqpan 2013 7:23
Siz ne deısiz?
Atala qalsa, syrqattanýshynyń úreıin alyp, záresin ushyratyn osy asa aýyr dertke shaldyǵýshylar sany jyl saıyn ulǵaımasa azaımaı otyrǵany anyq. Máselen, Qaraǵandy oblysynda 18 myńnan astam adam onkologııalyq aýrýlar boıynsha esepke alynǵan. Qaýipti keselge qarsy kúres qalaı uıymdastyrylyp otyr?
Sársenbi, 20 aqpan 2013 7:23
Siz ne deısiz?
Atala qalsa, syrqattanýshynyń úreıin alyp, záresin ushyratyn osy asa aýyr dertke shaldyǵýshylar sany jyl saıyn ulǵaımasa azaımaı otyrǵany anyq. Máselen, Qaraǵandy oblysynda 18 myńnan astam adam onkologııalyq aýrýlar boıynsha esepke alynǵan. Qaýipti keselge qarsy kúres qalaı uıymdastyrylyp otyr?
«Egemen Qazaqstannyń» aımaqtaǵy tilshisi Aıqyn Nesipbaı oblystyq onkologııalyq dıspanser dırektorynyń orynbasary Tatıana Haıtıdıge:
– Siz ne deısiz?– Aldymen aıtyp ótkende, atalǵan aýrýdyń aldyn alý, emdeýmen shuǵyldanatyn bizdiń onkologııalyq dıspanser kezinde Keńes Odaǵyndaǵy beldi ortalyq sanalsa , búginde de jyldar boıy jınaqtalǵan is-tájirıbege laıyq qyzmet kórsetip keledi. Eń qaterli naýqas bolyp turǵan onyń túrlerin anyqtap, em qoldaný qashanǵydaı ońaılyqqa soqpaı otyr deýime bolady. Áıtkenmen, qazirgi medısına jetistigi, jańa arnaýly qural-qondyrǵylar, mamandar biliktiligi betin qaıtarýǵa múmkindik beredi. Ásirese, bastapqy satysynda derttiń dendep ketpeýine tosqaýyl qoıý múmkindigi molaıyp otyr.Sońǵy jyldarda ókinishke qaraı, onkologııalyq aýrý túrleri ulǵaıdy. Sonyń ishinde teri ragi jıi ushyrasady. Asqazan, baýyr, búırek, ókpe, toq ishek, sút bezderi isikteriniń de paıda bolýy az emes. Buryn bular kóbine egde tartqan adamdarǵa jabysýshy edi, endi orta jáne odan da jastardyń arasynda jıi kezdesýde. Oblys boıynsha byltyr 3342 adam qaterli isik belgilerimen tirkelse, munyń ózi aldyndaǵy jyldan kópteý.Iá, ne istelip jatyr, ne istelý qajet degenge toqtalsaq, onkologııalyq aýrýlardy emdeýde qoldanatyn ádisterdiń 90 paıyzyn áriptesterim júzege asyra alady der edim. Shetelderde biliktilik tereńdetip otyratyn olardyń birazy mindetterine jetik. Bizdi alańdatarlyq jaıdyń biri sony úlgidegi medısınalyq jabdyqtardyń áli de tolyqtaı qamtamasyz etile qoımaýy bolyp tur. Onkolog dárigerlerge zárýlik bar. Sondaı-aq, budan 30-40 jyl buryn salynǵan ǵımarat eskirdi ári tarlyq etýge aınaldy. 350 oryndyq aýrýhana da sondaı kúıde. Dárigerlerge qaralýǵa kezekke turýshylardy qabyldaý, emdeý kabınetteri jetispeıdi. Osy oraıda, qıyndyq skrınıngtik tekserýler júrgizý kezinde asa bilinedi.Qaterli isikke qarsy kúresti kúsheıtýge qazir barlyq múmkindikter barshylyǵyna , talap ta joǵary ekendigine razymyz. Sóz retinde aımaqtyq onkologııalyq ǵylymı-zertteý ınstıtýtyn qurý oılastyrylýy kerektigin atap aıtar edim. Ol medısınadaǵy ótkir máseleni sheshe bilýdi jetildirýge uıytqy bolar edi. Aımaqtaǵy ekologııalyq jaǵdaı men basqa túrli sebepterge baılanysty bul derttiń jıirek ushyrasa bastaýy Jezqazǵan óńirinde bólek onkologııalyq aýrýhana salý qarastyrylýy qajettigin aıqyn sezdirip otyr.
QARAǴANDY.