Qazaq halyq áýenderimen seýldikterdi «Uly dala» toby tanystyrdy.
Eki kún boıy Chongechon bulaǵyndaǵy alańda kelýshilerge qazaqtyń ulttyq taǵamdary men kádesyılar tartyldy. Qonaqtar qazaqstandyq dızaıner Kámılá Súleımenovanyń sán kolleksııasyn tamashalady. Barlyq kıimderdi ol óz qolymen kıizden tikken. Al qazaq halyq áýenderimen seýldikterdi «Uly dala» toby tanystyrdy. Samat Ábýtalıpov, Almat Saıjan jáne Jánibek Saparov án aıtyp, shańqobyz, qobyz, dombyra sekildi halyq aspaptarynda oınady.
Al elimizdiń estrada ánderin qobyzben Áıgerim Áshimova oryndady. «Búgin qazaq mýzykasyn tyndap ol koreı áýenderge uqsaıtyn túsindim. Qazaqtar da bizge óte uqsaıdy. Men Qazaqstanda eki ret boldym, búgin qazaq taǵamdarynan dám tatyp, taǵy bir ret elińizge saıahat jasaýǵa oı keldi», deıdi Seýl qalasynyń turǵyny Pak Djý Ha.