Bul keshti ardager-ustazdyń 70 jyldyq mereıtoıyna oraı Batys Qazaqstan oblystyq tilderdi damytý basqarmasy uıymdastyrǵan eken. 1970 jyldary umytyla bastaǵan aıtys óneriniń qaıta jańǵyrýyna úles qosyp, keıin biraz jyl Batys Qazaqstan oblystyq til basqarmasyn basqarǵan Sholpan Batyrqyzyn óz ólkesi erekshe qurmetteıdi.
- Sholpan apaıdyń shyǵarmashylyǵynyń ózegi, negizgi taqyryby – elge qurmet, týǵan jerge degen súıispenshilik qoı. Osyǵan oraı shara barysynda aqynnyń eńbek jolyndaǵy jetistikterin, qazaq aıtysyna hám poezııasyna qosqan ózindik úlesin barynsha qamtýǵa tyrystyq, - deıdi BQO tilderdi damytý basqarmasynyń qyzmetkeri Zámzágúl Ǵabbasova.
Ádebı-sazdy keshte aqynnyń óleńderine jazylǵan «Qoskól», «Aqbaqaı – án ólkem», «Qara óleń», «Aqtaısaı - ańsaǵanym» ánderi shyrqaldy.
Osy keshte Sholpan Qydyrnııazovanyń urpaq tárbıesi taqyrybyna arnalǵan «Anadan – aqyl, ájeden – ádep» atty jańa jınaǵynyń tusaýy kesildi.
Aıta keteıik, Batys Qazaqstan oblystyq tilderdi damytý basqarmasy jas urpaqty saýatty, mánerli jazýǵa mashyqtandyrý, Sholpan Qydyrnııazova shyǵarmalaryn nasıhattaý, sonymen qatar balalar shyǵarmashylyǵy men bastamalaryna qoldaý kórsetý maqsatynda oblystyq «Altyn qalam» baıqaýyn uıymdastyrǵan bolatyn. Kesh barysynda osy baıqaýdyń esse jáne shyǵarma baǵyty boıynsha bas júlde ıegerleri marapattalyp, jeńimpazdarǵa júldeni Sholpan Batyrqyzy tabys etti.