Jaýyngerlerdi eske alý jáne el úshin erlikpen qaza tapqan marqumdarǵa qurmet kórsetý belgisi retinde Reseı jerine topyraq salynǵan kapsýlany aparý ishki ister organynyń ardagerleri, otstavkadaǵy polkovnıkter Aqan Syzdyqov pen Evgenıı Raıtenbahqa júkteldi.
Ataýly oqıǵaǵa oraı 314-shi atqyshtar dıvızııasynyń eskertkishi janynda eńbek, soǵys ardagerleri, mektep oqýshylary, qala jurtshylyǵynyń qatysýymen mıtıng ótti.
«1941-shi jyldyń tamyzynda Petropavlda Uly Otan soǵysy tarıhynda erekshe iz qaldyrǵan 314-shi atqyshtar dıvızııasy quryldy. Búginde bizge batyrlarymyzdy qurmetpen eske alý úshin jerlesterimiz erlikpen qorǵaǵan qalaǵa sapar shegýdiń sáti tústi. Biz qasıetti mıssııamyzdy abyroımen atqarýǵa sóz beremiz», dedi ákimshilik polısııa basqarmasynyń ardagerler keńesiniń tóraǵasy Evgenıı Raıtenbah.
Mıtıngige qatysýshylar monýmentke gúl shoqtaryn qoıyp, otan úshin janyn qıǵan jaýyngerlerdiń rýhyna taǵzym etti.