Merekelik dýmanǵa Almaty qalalyq Qazaqstan halqy assambleıasy hatshylyǵynyń, Qazaqstan halqy assambleıasynyń músheleri, Nazarbaev ýnıversıteti Almaty qalalyq ókildiginiń, QazSTA, etnomádenı birlestikterdiń ókilderi, «Jańǵyrý joly» RJQ, «Jarasym» RJB belsendileri men stýdentter qatysty.
Saltanatty kezdesýde urpaq sabaqtastyǵy men otansúıgishtik sezimdi nyǵaıtý maqsatynda Almaty qalalyq Qazaqstan halqy assambleıasynyń «Aıbyn» áskerı-patrıottyq klýbynyń músheleri ardagerlermen keleli suhbat qurdy.
Jınalǵandar qyzyqty ári qanyq konserttik baǵdarlamany tamashalap, QHA «Qamqor» aksııasy aıasynda eli úshin qan keshken qamkóńil qarııalarǵa syılyqtar tabystaldy.
«El arasynda sóz qudiretine degen myzǵymas nanym saqtalǵan. Shyn nıetpen berilgen aq bata kózdegen bıik murattarǵa jetýge birden bir septigin tıgizetindigine halqymyz sengen jáne senip te keledi. Sol sebepti, «Bata berý» dástúrine saı qurmetti aqsaqaldardyń batasyn alýdan úlken syı joq»,- deıdi basqosýǵa muryndyq bolǵan Dostyq úıiniń ujymy.
Sondaı-aq T.Júrgenev atyndaǵy Qazaq ulttyq óner akademııasy stýdentteriniń UOS ardagerlerine arnalǵan jumystary kórsetilip, án men bıden shashý shashyldy.
ALMATY