Germanııanyń Gannover qalasynda nysana kózdeýden halyqaralyq týrnır jalǵasýda. 11 mamyr kúni qazaqstandyq mergender jaqsy nátıje kórsetti, dep habarlaıdy QazAqparat Ulttyq olımpıada komıtetine silteme jasap.
Osy baǵdarlama boıynsha ótken komandalyq saıysta Qazaqstan Fınlıandııa men Anglııany alǵa jiberip, qola júldeger atandy. Vıntovkamen 10 metrlik nysana kózdeýden Iýrıı Iýrkov altynshy orynǵa turaqtady.
Áıelder arasynda vıntovkamen 50 metrlik nysana kózdeýden Elızaveta Koroldiń nátıjesi joǵary. Ol júldege qol sozym jerden toqtap, 4-shi oryn ıelendi. Janel Serikbaeva 7-shi, Aleksandra Malınovskaıa 12-shi, Vıoletta Starostına 17-shi orynda.