«Qazaqstannyń Tuńǵysh Prezıdenti – Elbasy Nursultan Nazarbaev ıslam men pravoslavıe elimizdegi rýhanı kelisimniń eki tiregi ekenin únemi aıtyp otyrady. Qazaqstan qashanda dinder men mádenıetterdiń ortaq úıi bolǵan. Bizdiń jerimizde san alýan etnos ókilderi birligi jarasyp, tatý-tátti ómir súrip jatyr. Olardyń barlyǵy ózderiniń dinı rásimderin ótkizip, ǵıbadathanalaryn sala alady. Al Qazaqstandaǵy orystyń pravoslavıe shirkeýi talaı jyldar boıy qoǵamnyń rýhanı qundylyqtaryn kúsheıtýge óz úlesin qosyp, dinaralyq kelisimdi nasıhattaýda memlekettiń senimdi serigi bolyp keledi» dedi mınıstr.
Búgingi tańda shirkeýdiń jobasy jasalyp jatyr. Ǵımarattyń qurylysy aldaǵy úsh jylda aıaqtalady. Jańa shirkeý Syǵanaq kóshesiniń boıynda, «Jaǵalaý» turǵyn alabyna jaqyn jerdegi kóldiń jaǵasynda ornalasady.
«Qala turǵyndary birneshe jyl boıy Úkimetke de, Prezıdentke de hat jazyp, Esildiń sol jaǵalaýynda taǵy bir shirkeýdiń qurylysyn bastaýdy suraǵan. Men de ótinish jasadym. Sóıtip, Tuńǵysh Prezıdent Nursultan Nazarbaev resmı túrde ruqsat berdi. Jaqynda Elbasy elordada Ortalyq Azııadaǵy eń úlken meshittiń irgetasyn qalaǵan edi. Ol jerde bir ýaqytta 30 myń adam namaz oqı alady. Biz de pravoslavıe hrıstıandary sany jaǵynan ekinshi dinı qaýymdastyq retinde ǵıbadat úıin salýǵa múmkindik aldyq» dedi Qazaqstannyń mıtropolıti Aleksandr.