Tyǵyryqtan shyǵý jolyn omartashylar qaýymdastyǵy usynyp otyr. Onyń tóraǵasy Oleg Gavrılov bal bazasy qurylsa, ortaq múddeler bir arnaǵa toǵysyp, kúsh biriktirer edik degen ýájin alǵa tartady. Endi bal bazasy oryn teppek. Ol úshin 50 gektar alqapqa aralardyń «súıikti» ósimdikterin egý josparlanyp otyr. Ońtústikten teriskeıdiń aýa raıyna tózimdi asyl tuqymdy aralar jetkizilip, óndiristik sharýashylyqqa arnalǵan sý jańa uıalarǵa jaıǵastyrylypty. Mamandar alǵash ret mundaı uıalardy qoldanysqa ótken jyly engizip, kóńil qýantarlyq nátıjelerge jetkennen keıin bıyl osy júıege tolyq kóshpek.
«Buryn biz Dadanov uıalarymen jumys istegen bolatynbyz. Jankeshti mehnaty kóp. Ýaqyt jaǵynan utylatynbyz. Ásirese, oryndardy aýystyrý kezinde qatty qınalatynbyz. Qazirgi óndiristik uıalar óte qolaıly. Bir uıadan 100 kelige deıin bar alý múmkindigi bar», deıdi O. Gavrılov.
Búginde omartashylar alǵashqy bal bazasyn uıymdastyrýǵa bilek sybana kirisip ketken. Alqaptar ulǵaıtylyp, túıejońyshqa, esparsent, túımejapyraq sekildi qunarly kópjyldyq ósimdikter egiledi. Bul ispen «Paseka Qyzyljar» seriktestigi aınalysady.
Soltústik Qazaqstan oblysy