Taldyqorǵan qalasyndaǵy №19 mektep-gımnazııasynda oqys oqıǵa boldy. Keshe mektep janyndaǵy shaǵyn ortalyqtyń ekinshi qabatyndaǵy ashyq qalǵan terezeden 2 jastaǵy tárbıelenýshi qulap, es-tússiz jaǵdaıda oblystyq balalar aýrýhanasyna jetkizilgen.
- 2 jastaǵy qyz bala bizdiń aýrýhanaǵa keshe, 15 mamyr kúni saǵat 12:30 «Jedel járdemmen» jetkizildi. Balanyń jaǵdaıy óte nashar bolǵandyqtan birden jansaqtaý bólimine alyndy. Búldirshinniń basyna qatty zaqym kelgen. Qazir dárigerdiń baqylaýymen arnaıy tynys alý apparatynda jatyr. Esin jıǵan joq, - dedi sábıdiń densaýlyǵy jaıynda habar bergen oblystyq balalar aýrýhanasynyń bas dárigeri Marat Dosqalıev.
Oblys polısııasy oqıǵa boıynsha tergeý jumystaryn bastady. Aldyn ala anyqtalǵandaı, búldirshinniń №19 mektep-gımnazııasy janyndaǵy shaǵyn ortalyqqa kelgenine kóp ýaqyt bolmaǵan. Ári balanyń ata-anasy da osy bilim berý mekemesinde ustazdyq etedi eken.
Almaty oblysy