Buryn sheteldikter jumys isteýge ruqsat alý úshin, birneshe kún túrli mekemeni aralaýǵa májbúr bolatyn. Endi olar JSN alý, salyq tóleý, medısınalyq tekserýden, daktıloskopııadan ótý, saqtandyrý anyqtamasyna qol jetkizý sekildi qujattardy bir jerde, bir saǵattyń ishinde rásimdeý múmkindigine ıe boldy. Bul elimizdegi kóshi-qon qyzmetterin kórsetetin on besinshi ortalyq. Jańa ortalyqtyń ashylý saltanatyna qatysqan Túrkistan oblysynyń ákimi О́mirzaq Shókeev memlekettik qyzmetter belgilengen ýaqyt reglamentine saı elektrondyq kezek arqyly arnaıy jabdyqtalǵan jumys oryndarynda júzege asyrylatynyn atap ótti. «Bul mıgranttar úshin ǵana emes, jumys berýshi úshin de óte qolaıly. Jańa MHQO jumys barysyn jeńildetip qana qoımaı, sybaılas jemqorlyq áreketteriniń aldyn-alýǵa jol ashady»,- dedi saltanatty rásimde «Azamattarǵa arnalǵan úkimet» memlekettik korporasııasy tóraǵasynyń orynbasary Birjan Júnisov.
Aıta keteıik, Túrkistan oblysynda bıylǵy jyldyń basynan beri mıgrasııa baǵyty boıynsha 36728 qyzmet kórsetilgen.
Túrkistan oblysy