Uıymdastyrýshylardyń aıtýynsha shara maqsaty – elimizdegi otbasy dárigerleriniń qyzmeti týraly turǵyndardyń habardar bolýyn arttyrý.
– Búkil álem halyqaralyq otbasy dárigeri kúnin atap ótedi. Otbasy dárigeri bir otbasynyń músheleriniń densaýlyǵyn qadaǵalaıtyn maman. Onyń negizgi qyzmeti profılaktıkalyq qyzmet bolyp tabylady. Bizdiń emhana Nazarbaev ýnıversıteti medısına mektebiniń klınıkalyq bazasy bolǵandyqtan búgingi aksııa sol oqý orny stýdentteriniń qatysýymen uıymdastyrylyp otyr. Olar bolashaq otbasy dáriger bolǵandyqtan osy kúnnen bastap bizdiń emhanada tájirıbeden ótedi. Bizdiń dárigerler men stýdentter emhanaǵa kelgen pasıentterge otbasy dárigeriniń qyzmeti men mańyzy týraly aqparattyq túsindirý jumystaryn ótkizýde, - dedi qalalyq №9 emhananyń bas dárigeri Sáýle Smaǵulova.
Sonymen qatar, aksııa barysynda qala turǵyndary skrınıngke tekserilýge jáne ol týraly bilýge, ımmýnızasııa jaıly saýattylyǵyn arttyrýǵa jáne de júrek-qan tamyrlary aýrýlaryna ekspress dıagnostıka ótkizýge jaǵdaı jasaldy.
– Sol sııaqty shara barysynda pasıentter arasynda saýalnama júrgizý arqyly túrli aýrýlardyń aldyn alýdy qarastyrýdamyz. Qazaqstanda ólimge aparatyn negizgi 6 aýrý túri bar, solarǵa qarsy tekseristen ótip, ony boldyrmaýǵa tyrysý kerek. Biz osy sekildi halyqqa arnalǵan medısınalyq sharalardy óte jıi ótkizemiz. Aksııa bolatyn kezde áleýmettik jeliler arqyly jáne qalalyq densaýlyq saqtaý basqarmasy arqyly aldyn ala aqparat jiberip otyramyz. Iаǵnı elordalyqtar bilsin, kelip tekserilsin degen maqsatpen. Búgindikke tańerteńnen beri 50 shaqty adam kelip tekserildi, - dedi ol Sáýle Smaǵulova.
Aıta keteıik, atalǵan medısınalyq aksııa Nazarbaev ýnıversıtetiniń medısına mektebimen birlesip júzege asyrylýda.