Kezdesýge ár túrli baǵyttaǵy 50 KEU ókili jınaldy. Olar bir aýyzdan aqparatty tyńdap, qoıǵan suraqtaryna tikeleı jaýap aldy. Kezdesý barysynda anyqtalǵandaı, azamattyq sektordy negizinen kelesideı máseleler tolǵandyrady: áleýmettik kásipkerliktiń kádimgi bıznesten aıyrmashylyǵy nede, joba smetasyn qalaı qalyptastyrýǵa bolady, JK jáne JShS jáne t.b. sııaqty uıymdar qatysa ala ma?
«Samruk-Kazyna Trust» Áleýmettik jobalardy damytý qorynyń ókilderi osy jáne basqa da suraqtarǵa jaýap berip, jobaǵa qatysýdyń jalpy erejeleri men talaptary jáne ótken jyldyń tájirıbesi týraly aqparatpen bólisti.
««Áreket» óte ózekti jáne suranysqa ıe joba. KEU úshin bul ıdeıany iske asyrý jáne júzege asyrý múmkindigi. Men búgin áleýmettik kásipkerlikti ashý jáne damytý jóninde paıdaly aqparat aldym. Bizdiń uıym atalmysh granttar baıqaýyna qatysýdy josparlap otyr», - deıdi kezdesýge qatysýshy – ««Sharapat» Jastar múgedekter uıymy» QB tóraǵasy Raýshan Mananbaeva.
«ÁREKET» granttar baıqaýy - áleýmettik máselelerdi sheshýge yqpal etetin úzdik bıznes-jobalardy anyqtaýǵa arnalǵan jobalardy biriktiredi. Bizdiń Qor tek granttar bólip qana qoımaı, birinshi kezektegi mindetimiz - KEU-ny bıznes pen marketıngtiń qazirgi zamanǵy quraldaryn qoldana otyryp, óz betinshe tabýǵa úıretý. Kezdesý barysynda biz baıqaýdyń qalaı jumys isteıtinin, ol úshin ne qajet ekenin jáne qandaı qatelikterden aýlaq bolý kerektigin tolyq túsindiremiz», - deıdi «Samruk-Kazyna Trust» Áleýmettik jobalardy damytý qorynyń ókili Irına Dúısenova.
Buǵan deıin habarlanǵandaı, granttar Baıqaýynyń birinshi kezeńi 3 maýsymda bastalyp, 30 maýsymǵa deıin jalǵasady. Osy kezeńde qatysýǵa múddeli barlyq KEU Baıqaý týraly erejege sáıkes ótinim berýge tıis.
Kelesi kezeń ekinshi kezeńge ótken KEU-ǵa tolyq ótinim berýge arnalmaq. Úmitkerlerdi irikteýdi arnaıy komıssııa júrgizetin bolady, oǵan memlekettik organdar, halyqaralyq uıymdar, bıznes jáne áleýmettik sala ókilderi kiredi.
Uıymdastyrýshylar, úshinshi kezeń irikteýden ótken Kommersııalyq emes uıymdarǵa arnalǵan úsh kúndik bilim berý baǵdarlamasy iske asatynyn aıtady. Oqý sońynda KEU ókilderi áleýmettik kásipkerlik boıynsha óz jobasyn qorǵap, úzdik dep tanylǵandar 3 mln teńgege deıin grant alady.
Eske salsaq, bıyl «Samruk-Kazyna Trust» qory «ÁREKET» jobasyna 150 mln teńge bólgen. Baıqaý aıasynda ár múddeli kommersııalyq emes uıym 3 mln teńgege deıingi mólsherde grantqa úmitker bola alady.
ALMATY