Qazaqstan men Qytaı syrtqy saıası vedomstvolarynyń basshylary saıası, saýda-ekonomıkalyq salalardaǵy ekijaqty yntymaqtastyq, sondaı-aq kópjaqty qurylymdardaǵy ózara yqpaldasý máselelerin talqylady.
Qazaqstan SIM basshysy bıylǵy jyldyń 25-28 sáýirde sátti ótken «Bir beldeý, bir jol» 2-shi Halyqaralyq yntymaqtastyq forýmyna qatysý úshin Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń saparynyń mańyzdylyǵyn atap ótti.
Osy forýmda Elbasy N.Nazarbaev álemdik qoǵamdastyqqa geosaıası ahýaldyń «Úsh D» úlgisin usyndy jáne qytaılyq tarapty ony júzege asyrý úshin odan ári jan-jaqty qoldaýdy surady.
Van I aǵymdaǵy jyldyń 14-16 mamyrda QKP Ortalyq komıteti Turaqty komıtetiniń múshesi, QHR Memlekettik keńesiniń Vıse-premeri Han Chjenniń Qazaqstan men Qytaı 2-shi О́ńiraralyq yntymaqtastyq forýmyna jáne 12-shi Astanalyq ekonomıkalyq forýmyna qatysý úshin Qazaqstanǵa saparyn oıdaǵydaı ótkizilgeni úshin alǵys bildirdi.
Qytaı SIM basshysy Qazaqstanda aldaǵy ýaqytta ótetin prezıdenttik saılaýdyń tabysty bolatynyna senim bildirdi. Ol Memleket basshysy Qasym-Jomart Toqaev halyqtyń keń aýqymdy qoldaýyna ıe ekenin atap ótti.
Qytaılyq tarap «Bir beldeý, bir jol» bastamasyn júzege asyrýda Qazaqstannyń jetekshi rólin erekshe atap ótip, ony «Nurly jol» JES-pen tereń ushtastyrý arqyly ózara kólik baılanystaryn kóterýdi, sondaı-aq ony ilgeriletýde eki eldiń kóshbasshylyǵyn saqtaýdy usyndy. Bul óz kezeginde, bizdiń elder arasynda sıfrlyq ekonomıkany damytý, sıfrlandyrý, joǵary tehnologııalyq, ınnovasııalyq jáne elektrondyq kommersııa salasyndaǵy jańa jobalardyń sanyn arttyrý boıynsha ındýstrııalyq-ınvestısııalyq yntymaqtastyqty nyǵaıtýǵa yqpal etedi.
Van I Qytaı Qazaqstanmen kópjaqty kún tártibindegi keń aýqymdy máseleler boıynsha da ózara tyǵyz yntymaqtastyqqa, Qazaqstan Respýblıkasynyń Tuńǵysh Prezıdenti - Elbasy N.Nazarbaev qurýdyń basynda turǵan ShYU, AО́SShK sııaqty halyqaralyq uıymdar sheńberinde tıimdi úılestirýge múddeli ekenin atap ótti.
Syrtqy saıası vedomstvolarynyń basshylary eki eldiń ShYU-da birqatar bastamalaryna ózara qoldaýdy atap ótti, atap aıtqanda ShYU Damý bankin qurý, ulttyq valıýtadaǵy ózara esep aıyrysý úlesin ulǵaıtý, tranzıt-kóliktik áleýetin paıdalaný jáne t.b.
Taraptar ózara qyzyǵýshylyq týdyratyn máseleler boıynsha turaqty baılanystar men qoldaýdy jalǵastyrýǵa kelisti.