Mańǵystaý dalasynda baljegish aıý baıqaldy. Bul Qazaqstannyń Qyzyl kitabyna engen sırek kezdesetin jyrtqysh ań, dep jazady Egemen.kz.
Ústirt memlekettik tabıǵı qoryǵy qyzmetkerleri 4 naýryz kúni reıd kezinde Kendirli shatqaly aýmaǵynan baljegish aıýdy baıqap, ony vıdeoǵa túsirip alǵan.
«Bul oqıǵa Ústirt qoryǵy aýmaǵynda sırek janýarlardyń tabıǵı ortada tirshilik etýi jalǵasyp jatqanyn kórsetedi», deıdi tabıǵat qorǵaý mamandary.
Baljegish aıý (lat. Mellivora capensis) – sýsarlar tuqymdasyna jatatyn jyrtqysh. Denesiniń uzyndyǵy 68-75 sm, quıryǵy 17-20 sm bolady. Aldyńǵy aıaqtary qysqa, tabandary keń ári jer qazýǵa beıimdelgen ótkir tyrnaqtary bar. Qaryn tusy qara-qońyr túske, arqasy ashyq reńge boıalǵan. Bul janýar kóbine ymyrt pen tún mezgilinde belsendi, al salqyn maýsymda kúndiz de qozǵala alady.
Baljegish aıý – talǵampaz emes jyrtqysh. Onyń qoregine omyrtqasyzdar men usaq omyrtqalylar – kesirtkeler, usaq qustar, qumtyshqandar, kirpiler jáne tasbaqalar kiredi. Sonymen qatar ósimdikterdiń tamyrlary men jemisterimen de qorektene beredi.
Jetisý aýmaǵynda sırek kezdesetin jyrtqysh fototuzaqqa túsip qalǵan
Ańnyń bul túri negizinen Ońtústik jáne Ońtústik-Batys Ústirt aýmaǵynda taralǵan. Ol tereń shatqaldardy, jyralardy jáne ósimdigi ártúrli jerlerdi mekendegendi unatady. Ásirese sekseýil, boıalysh jáne qaraǵan ósken aımaqtar ol úshin qolaıly orta sanalady.
Baljegish aıý jylyna bir ret kóbeıedi. Sýyq kezeńde qysqa merzimdi uıqyǵa ketýi múmkin, biraq tolyq qysqy uıqyǵa ketpeıdi.
Sırek kezdesetin jyrtqysh beınejazbaǵa ilingen