Petropavl sotynda burynǵy sýdıalarǵa qatysty qylmystyq is boıynsha úkim shyqty. Sottalǵandardyń qatarynda Soltústik Qazaqstan oblysy mamandandyrylǵan aýdanaralyq ekonomıkalyq sotynyń burynǵy tóraǵasy Bekbol Baımahanov pen Petropavl qalasy №2 sotynyń eks-tóraǵasy Erlan Ibraev bar. Sonymen birge almatylyq zańger Artem Ivanov jáne óńirge belgili eki kásipker de jazaǵa tartyldy, dep habarlaıdy Egemen.kz.
Tergeý jumystary jerge qatysty daýly is qaralǵannan keıin bastalǵany aıtyldy.
Sot sheshimine sáıkes, Bekbol Baımahanov Qylmystyq kodekstiń 24-baby 3-bóligi jáne 190-baby 4-bóligi 2-tarmaǵy (alaıaqtyqqa oqtalý), sondaı-aq 190-baby 3-bóligi 2-tarmaǵy boıynsha kináli dep tanylyp, 8 jylǵa bas bostandyǵynan aıyryldy. Odan memleket paıdasyna 1,2 mln teńge óndiriletin boldy.
Is materıaldary barysynda Baımahanovtyń jumys kabınetinde 15 myń dollar (shamamen 7,4 mln teńge) jáne 466 myń teńge tabylǵan. Bul qarajat memleket qoryna aýdarylady.
О́skemen áýejaıynyń burynǵy basshysy 8 jylǵa sottaldy
Al burynǵy sýdıa Erlan Ibraev Qylmystyq kodekstiń 190-baby 3-bóligi 2-tarmaǵy boıynsha kináli dep tanylyp, 6 jylǵa sottaldy, memleketke 2,2 mln teńge qaıtarý mindetteldi.
Sonymen qatar Gamlet Melkonıan – 4 jylǵa, al Gevorg Pogosıan – 3,5 jylǵa bas bostandyǵynan aıyryldy.
Aqparat kózderine súıensek, sýdıa oń sheshim shyǵarý úshin 50 myń dollar para alýdy josparlaǵan bolýy múmkin. Kabınetten tabylǵan 15 myń dollar sol somanyń bir bóligi retinde qarastyrylyp otyr.
Aram aqshaǵa qunyqqan alaıaq alty jylǵa sottaldy