Jetisý óńirinde qaltaly azamattardyń qoldaýymen baspanaly bolǵan kóp balaly otbasynyń sany taǵy bireýge kóbeıdi. Bul jolǵy qonys toıy Kerbulaq aýdanynyń Shubar aýylynda ótti.
Osy aýyldyń turǵyny, bes balanyń anasy Raısa Beısenbaeva «Arhar» sharýa qojalyǵynyń basshysy Talǵat Jetenovtiń qolynan tórt bólmeli úıdiń qujatyn aldy.
- Joldasymmen, bes balammen páter jaldap, kún keshtik. Tabysymyz tirshiligimizge jetti. Baspana qıyndyǵyn kórsek te, balalarymyzdyń laıyqty bilim alyp, deni saý urpaq bolyp ósýin oıladyq. Bir balam stýdent, úsheýi oqýshy, al kishisi alty jasta. Endi ózimizdiń jeke úıimiz bar. Kóp balaly ana ekenimdi eskerip, osyndaı úıdiń kiltin tabys etken Talǵat Nurlyjanulyna myń alǵys, – deıdi áýlettiń anasy.