Bul jóninde Túrkistan oblysynyń ákimi О́.Shókeevtiń Jetisaı aýdanyna sapary barysynda málim etildi. Jańa shaǵynaýdan jobasymen tanysqan oblys basshysy Yntymaq aýylynda ornalasqan «Jetisaı» bıofabrıkasyna aıaldady. Fabrıka jylyna 50 myń gektar alqapty zııankesterden qorǵaıtyn jándik ósirýmen aınalysady. Atap aıtqanda, trıhogramma (44kg), altyn kóz (7 mln dana), brakon (9 mln dana) syndy ónimderdi óndiredi. Búgingi tańda kásiporynda 24 adam turaqty jumyspen qamtylǵan. Bıofabrıkanyń májilis zalynda aýdan ákimi Jamantaı Beısenbaev aımaqtyń damý jospary jóninde baıandady. Aýdandaǵy ındýstrıaldy aımaqqa ornalasatyn jobalar, ınfraqurylymmen qamtý máseleleri men ótken jyly atqarylǵan jumystarǵa keńinen toqtaldy. Jıyndy qorytyndylaǵan О́mirzaq Shókeev jalpy oblystyń ońtústik aımaqtaryndaǵy aýdandardyń damýy baıaý júrip jatqandyǵyn tilge tıek etti. Infraqurylym men áleýmettik nysandardy kóbeıtýdi tapsyryp, bul másele óziniń jeke qadaǵalaýynda bolatynyn jetkizdi.
Sondaı-aq oblys ákimi Sh.Ýálıhanov jalpy orta mektebiniń ǵımaratynda bolyp, aýdan basshylyǵyna tozyǵy jetken nysannyń ornyna jańa zamanaýı úlgidegi mektep salýdy tapsyrdy. Jylysý aýyl okrýginiń Jylysý, Myrzashoqy, Baıqonys, Baqqonys, Ál-Farabı eldi mekenderin sýmen qamtý júıelerimen tanysty.
Túrkistan oblysy