Saılaý komıssııalary úshin semınarlar ótkizildi

Semınarǵa aýmaqtyq saılaý komıssııasynyń múshe­leri, 260 ýchaskelik saılaý komıs­sııalarynyń tór­aǵalary, oryn­­basarlary jáne hat­shy­lary, elektorattyq oqy­týdyń sert­ıfı­kattalǵan jat­tyqty­rý­shysy, Prezıdent ja­nyn­daǵy Memlekettik basqarý aka­demııa­sy fılıalynyń dırektory, Shymkent qalasy ákimi apparatynyń basshysy, aýdan ákimderi men apparat basshylary, jergilikti atqarýshy organdardyń basshylary jáne buqaralyq aqparat quraldarynyń ókilderi, barlyǵy 827 adam qatysty.

Semınar barysynda L.Súleı­men qatysýshylardy saılaý zańnamasyndaǵy ózgeristermen, saılaý naýqanynyń negizgi kezeńderimen, kandıdattardyń saılaý aldyndaǵy úgitti júzege asyrý sharttarymen, saılaý komıssııalarynyń saılaýdy ázirleý men ótkizý jónindegi ókilettikterimen, aýmaqtyq saı­laý komıssııalarynyń jáne je­r­gilikti atqarýshy organ­dar­dyń múmkindikteri shek­teýli aza­mat­tardyń quqyqtaryn qam­­­­tamasyz etý jónindegi min­det­terimen ta­nystyrdy. Oǵan qosa saılaý jú­ıesin uıym­­dastyrý bóliminiń bas sarapshysy I.Berkimbaı saılaý ko­mıssııalarynyń daıyn­dyq kezeńindegi, sondaı-aq ti­ke­leı daýys berý kúngi qyz­met máselelerine naqty toq­ta­lyp, ásirese 2019 jylǵy 9 maý­­symdaǵy prezıdenttik saı­laý­daǵy ýchaskelik saılaý komıs­sııalarynyń qorytyndy hattamany durys toltyrý máse­lesin pysyqtady.

Sol sııaqty Ortalyq saılaý komıssııasynyń múshesi B.Mel­deshov Qyzylorda oblysyna jumys saparynyń aıasynda Qyzylorda qalasy men Syrdarııa aýdanynyń 19 saılaý ýchaskesinde bolyp, saılaý­dy uıymdastyrýshylar úshin oqytý semınaryn ótkizdi jáne olardyń saılaýǵa ázirligimen tanysty. Semınar barysynda B.Mel­­deshov saılaý naýqa­ny­­nyń árbir kezeńimen, saılaý zańnamasyna sáıkes saılaý­dy uıymdastyrýshylardyń negizgi ókilettikterimen jáne mindetterimen tanystyrdy.

Al Soltústik Qazaqstan oblysyna barǵan Ortalyq saılaý komıssııasynyń hatshysy S.Mustafına da «2019 jylǵy 9 maýsymǵa taǵaıyndalǵan Qazaq­stan Respýblıkasy Prezı­dentiniń kezekten tys saılaýyn ázirleý men ótkizý kezeńindegi saılaý komıssııalarynyń jumy­sy týraly» saılaýdy uıym­das­tyrýshylar úshin oqytý semınaryn ótkizdi.

Buǵan qosa Ortalyq saılaý komıssııasy Jastar jyly is-sharalary aıasynda elimizdiń joǵary oqý oryndarynyń stý­dentteri arasynda Saılaý qu­qyǵy men saılaý prosesi máse­leleri boıynsha ulttyq vık­torına uıym­dastyrǵan bola­tyn. Sonyń birinshi kezeńi bastaldy. Atalǵan ulttyq vıktorına Táýelsiz Mem­­leketter Dostastyǵyna qa­­ty­sýshy elderdiń joǵary oqý oryndary stýdent jas­ta­ry­­nyń elektoratty-quqyq­tyq saýattylyǵyn artty­rýǵa baǵyttalǵan jáne Halyq­ara­lyq demokratııa kúnine (2007 jylǵy 15 qyrkúıekte BUU Bas Assambleıasy bekit­ken) oraı­lastyrylǵan memleket­ara­lyq jobanyń bir baǵyty bolyp tabylady. Al ulttyq vıkto­rınanyń jeńimpazy 2019 jylǵy qyrkúıekte TMD Parlament­aralyq Assam­bleıa­sy Keńesi uıym­das­tyratyn Sankt-Peter­býrg qalasyndaǵy ǵylymı stý­dent­tik pikirtalasqa TMD elderi qu­ra­masy quramynda qatysady.

Bul vıktorınany ótki­zýdegi OSK-niń negizgi serik­tes­teri – Demokratııany, parla­men­tarızmdi damytý jáne TMD PAA-ǵa qatysýshy memleketter azamattarynyń saılaý quqyqtaryn saqtaý monıto­rınginiń halyqaralyq ınstıtýty, quramyna 80-nen astam ult­tyq jáne óńirlik joǵary oqý oryndary kiretin «Qazaqstan Res­pýblıkasy joǵary oqý oryn­darynyń qaýymdastyǵy» zańdy tulǵalar birlestigi já­ne Ulttyq vıktorınanyń bi­rin­shi kezeńin júzege asyrý úshin ınfokommýnıkasııalyq tu­ǵyr­­nama usynǵan ál-Farabı atyndaǵy Qazaq ulttyq ýnıver­sıteti.

Qazirgi kezde ál-Farabı atyn­daǵy Qazaq ulttyq ýnı­ver­sıtetiniń ınteraktıvti tuǵyr­namasynda Qazaqstannyń 12 oblysynyń 20 joǵary oqý ornynan 172 stýdent tirkeýden ótti. Mine, osy joǵary oqý oryn­darynyń stýdentteri arasynda saılaý quqyǵy jáne saılaý prosesi máseleleri boıynsha Ulttyq vıktorınanyń birinshi týry M.H. Dýlatı atyndaǵy Taraz memlekettik ýnıversıteti bazasynda bastaldy. Oǵan Ortalyq saılaý komıssııasynyń hatshysy S. Saparqyzy qatysty.