Tirligine birligi demeý bolǵan

Bıylǵy baıqaýdy otbasylyq qundy­lyqtar týraly tereńnen tol­ǵa­ǵan sózimen ashqan oblys ákimi Ermek Marjyqpaev ár otbasynyń birligi túptep kelgende el baılyǵy ekenine aıryqsha toqtaldy. О́nege shashqan baı­qaýdyń úlgi-ǵıbraty týraly da sal­maqty sóz sabaqtady. Rııasyz lebiz­den soń baıqaýda birinshi oryn alǵan otba­sylarǵa syı-sııapat jasady.

Shańyraqtaǵy shattyq, sútteı uıy­ǵan yntymaq-birligimen, tamasha tir­ligimen talaıǵa úlgi bola alatyn otba­sylar az emes. Baıqaýǵa 29 otbasynan ótinim túsken eken. Arnaıy komıssııanyń eleginen ótken 7 otbasy oblystyq týrǵa joldama alǵan. Bul arada jalǵyz bala sany emes, eńbek dástúri, bilim-bilikteri, eldiń yqylasy men qurmeti, óneri de sarapqa salynady. Bul joly baıqaýda bási birdeı bolǵan eki otbasyna birinshi oryn berildi. О́negesi oraılas, tálimi teńdes. Máselen, birinshi oryn alyp, 250 myń teńge aqshalaı syılyqqa ıe bolǵan Aqkól aýdanyndaǵy Áýbá­ki­rovter otbasy týraly sál taratyp aıta ketýge ábden bolady. Osy otba­sy­nyń ustazdyq ótili 215 jyldy quraıdy eken. Aqan Qaıyrjanuly men Qýanysh Shotanqyzy bes balaǵa tamasha tárbıe berip, 9 nemeresin qyzyq­tap otyrǵan ata men áje. Otaǵasy 45 jyl boıy taban aýdarmas­tan bilim sala­synda qyzmet etken. 30 jyl Aman­geldi aýylyndaǵy mektepte dırek­tor bolyp qyzmet atqarypty. Tuńǵyshy Beıbit jeke kásipker, Qur­me­ti advokat, kenje uly Naýannyń muǵalimdik ótili – 21 jyl. Qyzy Nazgúl otyz jyldan beri orys tili men ádebıeti páninen sabaq berip keledi. Merýertiniń pedagogıkalyq eńbek ótili 24 jyl, Stepnogor qala­syn­daǵy №9 qazaq orta mektebiniń oqý isiniń meńgerýshisi.

Sondaı-aq birinshi orynǵa ıe bolǵan Selı­nograd aýdanynda turatyn Ysqa­qov­tar otbasy da ózgege ónege bola ala­tyn qutty shańyraq. 45 jyl birge ǵumyr keshken Ysqaqovtar otba­synan 8 bala, 24 nemere órbip otyr. Otbasynyń negizgi tirshiligi «Ys­qaqovtar» sharýa qojalyǵy. Sharýa­shylyq kartop, kókónis ósi­rý­men aınalysady. Tuńǵysh uldary Maratbek sharýashylyq jetekshisi bolsa, Rashıt bas ınjener, Darhan qyrman meńgerýshisi, Nursultan ekonomıst, Azamat agronom, Raqym­bek mehanızator. Qyzdary da qol qýsyryp qarap otyrǵan joq. Mól­dir men Gúlzıra biri mal dárigeri bolsa, ekinshisi kókónis ósirýshi. Al nemereleri atasy men ájesin úzdik oqýlarymen, sporttaǵy jáne ónerdegi tabystarymen qýantýda. Talapty nemereleri Janatbek mektepti altyn belgimen bitirip, ata-áje tilegin aqtasa, Zamıra esimdi nemeresi bı óneriniń has sheberi.

Aqmola oblysynyń Qazaqstan halqy Assambleıasy janyndaǵy ana­lar keńesiniń tóraıymy Zere Qıy­qova ekinshi orynǵa ıe bolǵan Step­nogor qalasynda turatyn Oral­baev­tar otbasyna dıplomdaryn tabys etti. Bul otbasy mektepke deıingi tárbıe mekemesin ashyp, memlekettik-jekeshelik áriptestigi oraıynda elge ıgiligi tıip otyrǵan shańyraq. Bestóbe kentindegi otbasy ıeligindegi «Asyl» jáne «Altyn» balalar baqshasyna 150 jetkinshek barady. Onyń 47-si kóp balaly jáne áleýmettik jaǵynan az qamta­ma­syz etilgen otbasylardyń balalary. Olarǵa tegin qyzmet kórsetiledi.

Baıqaýda Selınograd aýdanynda turatyn Kemeńgerovter otbasy úshinshi orynǵa ıe boldy. Sóz ara­synda bul otbasy Alashorda qoz­ǵa­lysynyń irgetasyn qalaý­shy­lar­­dyń biri Qoshke Kemeń­ger­ovtiń ur­paqtary ekenin aıta ketken jón. О́ner­di ómirlerine serik etken otbasy músheleri áýelete án shyrqap, quıqyljytyp kúı tartyp, jınalǵan jurttyń kóńilinen shyqty.

О́zge otbasylar da syılyqtan quralaqan qal­ǵan joq. Sandyqtaý aýda­nyndaǵy Mýsha­nov­tar, Ereı­men­taý aýdanyn­da­ǵy Aman­taev­tar, Zerendi aýda­nyn­da­ǵy Shtırler otba­sylary yntalandyrý syı­lyq­ta­ryna ıe boldy.

Aqmola oblysy