Amerıkanyń Keıp-Kod múıisindegi áýejaıda Bearhawk LSA-8X markaly jeńil motorly ushaq apatqa ushyrady. Ushqysh din aman. Oqıǵa túsirilgen beınejazba áleýmettik jelilerde tarady, dep habarlaıdy Egemen.kz
The Boston Globe basylymynyń málimetinshe, apat 7 mamyrda jergilikti ýaqytpen saǵat 15:30 shamasynda bolǵan. Bearhawk LSA-8X ushaǵy Keıp-Kod Geıtveı áýejaıyna qoný kezinde jolaqqa tıip, aýdarylyp ketken. AQSh-tyń Federaldyq azamattyq avıasııa basqarmasy bul aqparatty resmı túrde rastady.
Shveısarııanyń SWISS ushaǵy Almaty áýejaıyna shuǵyl qondy
Apat kezinde bortta tek ushqysh bolǵan. Haıannıs órt sóndirý kúzeti leıtenantynyń aıtýynsha, qutqarýshylar jetkenshe ushqysh ushaqtan ózi shyǵyp úlgergen. Oǵan oqıǵa ornynda medısınalyq kómek kórsetildi, alaıda alǵan jaraqattarynyń jeńil bolýyna baılanysty aýrýhanaǵa jatqyzý qajet bolmaǵan.
Iran atyp túsirgen AQSh ushaǵynyń ushqyshtary qutqaryldy
Oqıǵa saldarynan áýejaı jumysy 45 mınýtqa toqtatylǵan. Haıannıs qutqarýshylary men Barnsteıbl polısııasy janarmaıdyń aǵýyn jedel toqtatyp, órt qaýpiniń aldyn aldy. Áýejaı ákimshiligi nysanǵa aıtarlyqtaı materıaldyq shyǵyn kelmegenin málimdedi.
Irakta AQSh-tyń áskerı ushaǵy qulap, alty adam qaza tapty
Qazirgi ýaqytta AQSh-tyń Kóliktegi qaýipsizdik jónindegi ulttyq basqarmasy apattyń naqty sebepterin anyqtaý úshin tergeý jumystaryn bastap ketti.
Asyljan QURMANǴALI