Qazaqstanda máslıhat depýtaty men aýyldyq okrýg ákimine bir ýaqytta úmitker bolýǵa tyıym salynady. Bul norma saılaý týraly konstıtýsııalyq zań jobasyna engizildi, dep habarlaıdy Egemen.kz.
Búgin, 8 mamyrda Parlament zań jobasyn birinshi oqylymda qarap, maquldady.
Depýtat Májilis depýtaty Marat Báshimovtyń aıtýynsha, zań jobasy saılaý naýqandary barysynda anyqtalǵan máselelerdi sheshý jáne zańnamany qazirgi áleýmettik-saıası ári sıfrlyq jaǵdaılarǵa sáıkestendirý maqsatynda ázirlengen.
«Jańa ózgeristerge sáıkes, saılaý komıssııasy múshesi zań buzǵan jaǵdaıda oǵan eskertý beriledi, al qaıtalanǵan buzýshylyq bolsa, onyń ókilettigi toqtatylýy múmkin. Sondaı-aq sybaılas jemqorlyq, aýyr jáne asa aýyr qylmystar úshin sottalǵan azamattar saılaý komıssııalaryna kire almaıdy. Usynylyp otyrǵan ózgerister keń aýqymdy máselelerdi qamtıdy jáne keshendi, júıeli sıpatqa ıe», dedi Májilis depýtaty Marat Báshimov Parlamenttiń birlesken otyrysynda.
Depýtat Quryltaı komıtetteri músheleriniń sanyn shekteýdi usyndy
Úkimet basshysynyń orynbasary – Ulttyq ekonomıka mınıstri Serik Jumanǵarınniń aıtýynsha, úgit-nasıhat júrgizý kezinde onlaın platformalarda kandıdattarǵa teń múmkindik beriledi. Partııa atynan usynylǵan kandıdattar partııanyń resmı saıttary men áleýmettik jelilerin qosymsha kelisimsiz paıdalana alady.
Vıse-prezıdentti taǵaıyndaý tártibi: Quryltaıdyń róli men jańa laýazymnyń mańyzy
Sonymen qatar saılaý qorynan tys qarjy tartýǵa tyıym salynady.
Nurbolat AMANBEK