Erlikke taǵzym

Marapattaý aldynda Memle­ket­tik ánuran oryndaldy. Odan keıin Bas shtab bastyǵy – QK ÁQK bas qolbasshysynyń birinshi oryn­basary general-maıor N. Muqa­nov áskerıler aldynda Qazaqstan Prezıdentiniń «Adam ómirin qutqarýmen baılanysty ekstre­maldy jaǵdaıda tanytqan batyl­dyǵy men qaısarlyǵy úshin kishi serjant Erlan Raıymqulov «Erli­gi úshin» medalimen, óz ómi­rin qııa otyryp, adamdy qutqarý kezinde kórsetken erli­gi men jan­qııarlyǵy úshin «Tótenshe jaǵ­­daıdaǵy erligi úshin» tós­bel­gi­­simen marapattala­dy» degen Jar­lyǵynan úzindi oqyp berdi. 

Áýe qorǵanysy kúshteriniń bas qolbasshysy, avıasııa general-maıory N. Kárbenov kishi serjant Erlan Raıymqulovtyń marapatyn marqumnyń otbasyna tabys etti.

– Erlannyń batyl erligi árbir qazaqstandyq úshin úlgi. Sebebi jan­qııarlyq pen batyldyqty qyz­­­mettik mindetti oryndaý ke­zin­­de ǵana emes, sonymen birge kez kelgen ómirlik jaǵdaıda ta­ny­týǵa bolady. Erlan qıyn kezde óz tańdaýyn jasady. Onyń tań­da­ýy men jasaǵan áreketi batyp bara jatqan balaǵa ómir syılaǵan maq­tan tutarlyq áreket boldy. Muny áste umytýǵa bolmaıdy. О́zi­niń erligimen ol qazaqstandyq ás­kerı qyzmetshiniń Ar-namys ko­deksine saı áreket etti, – degen ÁQK bas qol­basshysynyń orynba­sa­ry, avıasııa general-maıory T.Qoıshyqulov, sondaı-aq osyndaı óne­geli tárbıe bergeni úshin qaza bol­ǵan áskerı qyzmetshiniń anasyna zor alǵys bildirdi. 

О́z kezeginde, kishi serjant E.Raıymqulovtyń anasy Rızagúl Nazar­bekova áskerı vedomstvo basshylyǵyna kórsetilip jatqan moraldyq jáne materıaldyq qoldaýy, qaıǵy-qasiretke dýshar bolǵan týǵan-týysqandarynyń jarasyn jeńildetip júrgenderi úshin alǵysyn bildirdi. 

Esterińizde bolsa, qaıǵyly oqıǵa 10 mamyrda Nur-Sultan qala­­synda tapa-tal túste «Gaz­ma­sh­ap­pa­ratýra» baý-baqsha aýda­nyn­da bolǵan edi. Sýdaǵy ıtine qaraı umtylǵan

12 jasar qyz bala sýǵa qarǵıdy. Biraq jet­kin­shekti ekpini qatty qyzyl sý ıtimen qosa aǵyza jóneledi. Muny kezdeısoq kórip qalǵan kishi serjant E.Raıymqulov sýǵa oılan­bastan sekiredi. Alaıda áskerı qyzmetshiniń ózi sýdan shyǵa almaı qalady. Sóıtip aıtyp kelmeıtin ajal Erlannyń ómi­­rin qıyp, kózsiz erlik kór­set­ken marqumnyń artynda áıeli men káme­letke tolmaǵan eki balasy qal­dy. 

Áriptesteri Erlannyń erligi bul áskerı qyzmetshiler úshin ǵana emes, barsha qazaqstandyqtar úshin de janqııarlyq pen qaı­sar­lyq­tyń úlgisi ekendigin aıtady.

«Ol óz qyzmetin jaqsy kórdi jáne óz isiniń naǵyz mamany boldy. Joǵary jaýapkershilik, tár­tiptilik, áskerı qyzmetke adal­dy­ǵymen únemi erekshelendi. Jaýyn­gerlik jáne memlekettik-qu­qyq­tyq daıyndyq pánderi boıynsha keremet nátıjeler kór­setti, oǵan senip tapsyrylǵan áskerı tehnıkany úlgili ustady. Dos­tary men tanystary ony ashyq jáne ózgelerdiń problemala­ry­na beıjaı qaramaıtyn adam retinde esterinde saqtaıdy», deı­di Qorǵanys mınıstrliginiń bas­shy­lyǵy.