Sharaına

Sársenbi, 6 aqpan 2013 7:20

KHDR AQSh-ty «jermen-jeksen etti»Soltústik Koreıanyń memlekettik portaly nasıhat beınerolıgin jarııalady. Onda AQSh-tyń Nıý-Iork qalasyn elestetetin megapolıske «zymyrandyq soqqy berý» saldary kórsetiledi. Beınejazba Koreıanyń Jer sharyn aınalyp ushatyn ǵarysh kemesiniń bortynan jasalǵan soqqyny kóldeneń tartady.

Sársenbi, 6 aqpan 2013 7:20

KHDR AQSh-ty «jermen-jeksen etti»Soltústik Koreıanyń memlekettik portaly nasıhat beınerolıgin jarııalady. Onda AQSh-tyń Nıý-Iork qalasyn elestetetin megapolıske «zymyrandyq soqqy berý» saldary kórsetiledi. Beınejazba Koreıanyń Jer sharyn aınalyp ushatyn ǵarysh kemesiniń bortynan jasalǵan soqqyny kóldeneń tartady.

Rolıktegi ushyrylym 2012 jyldyń 12 jeltoqsanynda Soltústik Koreıanyń spýtnıgin orbıtaǵa shyǵarǵan «Ynha-3» zymyranynyń kómegimen júzege asyrylǵan-mys. Al, beınerolıkte AQSh-tyń asa iri shaharynyń soqqydan keıingi kúli kókke ushqan úıindisi búge-shigesine deıin aıqyn kórsetilgen. Halyqaralyq qoǵamdastyq bolsa, KHDR ıadrolyq synaq jasaýǵa daıyndalyp jatyr-aý dep qaýiptenedi.

Jańa zymyrannyń quny qansha?Reseıdiń «Energııa» zymyrandyq-ǵaryshtyq korporasııa­sy jańa kólik ǵarysh kemesiniń ekonomıkalyq para­metrlerin belgiledi. Onyń quny 160 mlrd. rýblge teń. Bas konstrýktordyń orynbasary Aleksandr Derechınniń sózine qaraǵanda, ǵarysh kemesi «Energııa-Býran» jobasymen para-par jáne Halyqaralyq ǵarysh stansasyna ushyp júrgen «Soıýz» apparattaryn almastyrady.Jańa ǵarysh kemesi orbıtaǵa shyǵyp qana qoımaı, Aıǵa da usha alatyn bolady. Bul jerde ony AQSh-tyń ózi tektes Orion ot Lockheed Martin ǵarysh kemesimen salystyrýǵa bolady. Biraq, Orion-nyń planetaaralyq ushyrylymdarǵa arnalǵan artyqshylyqtary bar ekenin de aıta ketken jón. Al, Reseıdiń jańa kemesi 2017 jyly synaqtan ótkizilýi múmkin delinip otyr.

Qashqandardyń deni qaıta oraldyQyrǵyzstan prezıdenti Almazbek Atambaevtyń memlekettik rezıdensııasyn kúzetetin 39 soldat kúzet oryndaryn tastap ketken bolatyn. Araǵa bir kún salyp olardyń 22-si áskerı bólimderine qaıta oralǵan. Áskerı qyzmetshilerdiń jappaı qashýyna baılanys­ty Qyrǵyzstan IIM qyzmettik tekserý bastasa, qalǵan qashqyndardyń qaıda ekenderi anyqtalý ústinde.Soldattardyń áskerı bólimderdi tastap qashqandary týraly aqparat IIM-ge 4 aqpan kúni belgili bolady. Bólim basshylyǵy bir táýlik boıy qashqyndardy óz kúshterimen izdep tabýǵa tyrysyp, eshqaıda habarlamaıdy. Al soldattar memlekettik rezıdensııany narıadqa túsken kezde tastap qashyp ketken. Qashqyndardyń barlyǵy aldaǵy kóktemde demobılızasııaǵa shyǵatyndar eken. Endi olardyń der kezinde úılerine qaıtýy ekitalaı.

Qysqa qaıyryp aıtqanda:

*Amerıkalyq senator Djon Makkeın Iran prezıdenti Mahmud Ahmadınejadty onyń ǵaryshqa ushý nıeti bar ekeni týraly málimdemesine oraı maımyl dep atady. О́ıtkeni, ótken aptada ǵaryshqa Irannan maımyl baryp qaıtqan edi. l Úndistan ústimizdegi jyly Reseıden jeti palýbalyq joıǵysh ushaqtaryn alady. Bul 2004 jyly eki el arasynda qol qoıylǵan alǵashqy kelisim-shart sheńberindegi 16 ushaqtyń sońǵylary. Al, ekinshi kelisim-shart boıynsha jalpy quny 1,5 mlrd. dollarlyq 29 ushaq satý júzege aspaq.*AQSh-tyń Alabama shtatynda 5 jasar balany kepil retinde ustaǵan 65 jastaǵy Djımmı Lı Daıkes esimdi bireý atyp óltirilip, sábı bosatyp alyndy. Oǵan eshqandaı zardap tımegen. Daıkes Vetnam soǵysynyń ardageri kórinedi.* Irak soǵysynda mergendigimen tanylyp, ólim shashqan tehastyq Krıs Kaıldy qarsylastary «Shaıtan» dep ataǵan eken. Ol 160 ırandyqty oqqa baılasa kerek. Bul – resmı málimet. Al resmı emes esep 200-den asyp jyǵylady. О́tken senbi kúni mergen burynǵy qarýlas joldasynyń qolynan qaza tapqan. Onyń ne úshin atyp óltirilgeni ázirshe belgisiz.

Oppozısııashylar tutqyndaldyÁzerbaıjanda tártipsizdiktermen baılanysty eki oppozısııalyq partııanyń ókilderi tutqyndaldy. Baký qalasyndaǵy Nasımın aýdandyq sotynyń sheshimi boıynsha «Mýsavat» partııasy tóraǵasynyń orynbasary Tofıg Iаgýblý men REAL qozǵalysynyń tóraǵasy Ilgar Mamedov qamaýǵa alyndy.Tutqyndalǵandarǵa qoǵamdyq tártipti buzdy, bılik ókilderine qarsylyq kórsetti degen baptar boıynsha aıyp taǵylǵan. Al, tártipsizdikterge Baký turǵyny, «Chyrag» qonaq úıiniń dırektory, aýdan ákimshiligi basshysynyń nemere inisi, eńbek mınıstri Výgar Alekperovtiń uly Emıl Shamsaddınovtiń «qyzý» kúıde jol-kólik apatyn jasap qana qoımaı, ekinshi kóliktiń júrgizýshisin soqqyǵa jyqqany, biraq eshqandaı jaza almaǵany sebep bolypty.

Zorlyqshylarǵa isine saı jazaÚndistan prezıdenti Pranab Mýkerdjı áıelderge qatysty zorlyq jasaǵandary úshin qoldanylatyn eń aýyr jaza – ólim jazasyn maquldady. Memleket basshysynyń bul sheshimin alty apta ishinde parlament maquldaýy tıis. Sodan keıin-aq bul zań kúshine enedi. Jańartylǵan zańǵa sáıkes zorlyqshyl kem degende 7 jyl túrmege qamalady nemese ólim jazasyna kesiledi.Úndistan basshylyǵy mundaı qadamǵa ótken jyldyń sońynda 23 jastaǵy stýdent qyz zorlanǵannan keıin baryp otyrǵan syńaıly. Oǵan avtobýs salonynda 6 erkek zorlyq kórsetse, araǵa 13 kún salyp alǵan jaraqattarynan ol kóz jumǵan bolatyn. Stýdent qyzdyń ólimi Delıde ǵana emes, búkil Úndistan aýmaǵynda úlken narazylyq týyndatqan edi.

Syıaqyny qaıtarýdan bas tarttyAtaqty amerıkalyq veloshabandoz  Lens Armstrongtiń dopıng qoldanǵany úshin barlyq ataqtarynan aıyrylǵany belgili. Endi ol «Týr de Frans» kópkúndigindegi jeti jeńisi úshin alǵan 12 mln. dollar syıaqyny qaıtarýdan bas tartyp otyr.L.Armstrong asa bedeldi kópkúndikti 1999 – 2005 jyldar aralyǵynda qatarynan jeti márte jeńip alǵan bolatyn. Alaıda, ol ústimizdegi jyldyń qańtarynda sol jyldardyń bárinde tyıym salynǵan preparattar qoldanǵanyn moıyndaǵan edi. Kópkúndikti uıymdastyrý komıtetiniń basshysy Krıstıan Prıýdomm shabandoz syıaqy retinde alǵan barlyq aqshany qaıtarýy kerek dese, Armstrongtiń advokaty dıskvalıfıkasııalanǵan sportshylardyń syıaqylardy eshqashan qaıtarmaıtynyn kóldeneń tartady.

Internet materıaldary  negizinde ázirlendi.