Jobalardyń basym kópshiligi týrızm salasyn damytýǵa baǵyttalǵan. Mysaly, Janbota Orazbaevanyń «I-Shatyr» jobasy ystyq klımatty Túrkistan qalasyna arnalǵan. Q.A. Iаsaýı kesenesi aımaǵynda ystyqtan qorǵaıtyn smart shatyrlar júıesi týrısterdiń kóleńkeleýine arnalǵan. Jobamen tanysqan oblys ákimi bul júıeni kúz mezgiline qaraı iske qosý qajettigin tapsyrdy.
Al «EKO-Jai» Báıdibek aýdanyndaǵy Aqmeshit úńgiri aılnasynda týrıster úshin shaǵyn demalys úılerin salý jobasynyń avtory Nurbol Mámettiń aıtýynsha, ekologııalyq úılerde týrısterge barlyq jaǵdaı jasalady. Jalpy quny 50 mln. teńgege 10 úı salý usynylyp otyr.
«Zhan-Uia» jobasyn usynǵan Samatýlla Nýrıla óńirdegi qarttar úıi men balalar úıin biriktirý arqyly bala men meıirimge muqtaj jandardy jaqyndastyrýǵa bolady dep esepteıdi. Jobamen tanysqan oblys basshysy kelesi jyldan bastap Túrkistan qalasynan jobaǵa qajetti ǵımarattardyń qurylys jumystaryn bastaý qajettigin tapsyrdy. Aldaǵy ýaqytta júzege asatyn jobalardyń taǵy biri - «EthnoVillage». Qalanyń tarıhı aımaǵyna etnoaýyl salý kózdelgen bul jobanyń avtory Aıjan Qospaeva týrısterge qazaq halqynyń ulttyq salt-dástúri men taǵamdaryn, tól oıyndary men qolónerin tanystyrýǵa múmkindik týatynyn aıtty.
Al «Taza sana, taza qala» jobasy – Kentaý qalasyndaǵy tazalyq júıesin sıfrlandyrýǵa baǵyttalyp otyr. Joba avtory Elnur Ermanovtyń baıandaýynsha, qoqys jáshikterine arnaıy QR-kodtar qoıylyp, qoqystyń kóbeıgeni, jáshiktiń bosatylǵan ýaqyty ortalyqtandyrylǵan júıege habarlanyp otyratyn bolady.
Túrkistan oblysy