Baıqaý «Batys Qazaqstan oblysynda azamattyq sektor áleýetin arttyrý boıynsha keshendi sharalardy uıymdastyrý jáne ótkizý» jobasyn iske asyrý sheńberinde Batys Qazaqstan oblysy ákimdigi ishki saıasat basqarmasynyń memlekettik áleýmettik tapsyrysy boıynsha ótkiziledi. Baıqaýdyń maqsaty – qoǵamnyń nemese qoǵamnyń jekelegen áleýmettik toptarynyń áleýmettik mańyzdy problemalaryn sheshýge yqpal etý, memlekettik organdar men azamattyq qoǵam ókilderi arasyndaǵy ózara is-qımyldyń tıimdiligin arttyrý, jergilikti ózin-ózi basqarýdy jáne jergilikti qoǵamdastyqta ózin-ózi retteýdi damytý.
Biz osy baıqaý arqyly óńirdegi úkimettik emes uıymdardyń kásibı jáne shyǵarmashylyq ósýin yntalandyryp, oblystaǵy áleýmettik máselelerdi sheshýde ÚEU, memlekettik jáne kommersııalyq qurylymdardy, buqaralyq aqparat quraldaryn biriktirgimiz keledi. Sondaı-aq Batys Qazaqstan oblysyndaǵy asa mańyzdy áleýmettik jobalardy anyqtap, qoldaýdy kózdeımiz, - deıdi Aıbolat Shamuratuly.
Baıqaý Elbasy Joldaýlary, «Bes áleýmettik bastama», «Áleýmettik qamqorlyq» jańa áleýmettik saıasaty, «Rýhanı jańǵyrý», «Uly dalanyń jeti qyry» baǵdarlamalarynda kórsetilgendeı Qazaqstan Respýblıkasynyń áleýmettik-ekonomıkalyq damýynyń basymdyqtaryn eskere otyryp, jergilikti qoǵamdastyq múddelerin jáne ÚEU áleýetiniń, Batys Qazaqstan oblysynda jumys isteıtin bastamashyl toptardyń múmkindikterin eskere otyryp ótkizilmek. Uıymdastyrýshylardyń aıtýynsha, bul jobalarǵa jalpy kólemi 2 500 000 teńge grant retinde bólinedi.
Granttar bilim berý, ǵylym, aqparat, dene shynyqtyrý jáne sport salasyndaǵy maqsattarǵa qol jetkizý, azamattardyń densaýlyǵyn saqtaý, salaýatty ómir saltyn nasıhattaý, qorshaǵan ortany qorǵaý, jastar saıasaty men balalar bastamalaryn qoldaý, otbasylyq-demografııalyq jáne genderlik máselelerdi sheshýge járdemdesý, halyqtyń áleýmettik turǵydan osal toptaryn qoldaý, jetim balalarǵa, tolyq emes jáne kóp balaly otbasylardaǵy balalarǵa kómek kórsetý, halyqty jumyspen qamtýdy qamtamasyz etýge járdemdesý, azamattar men uıymdardyń quqyqtaryn, zańdy múddelerin qorǵaý, mádenıet pen ónerdi damytý, tarıhı-mádenı murany qorǵaý, qoǵamdyq kelisimdi jáne jalpyulttyq birlikti nyǵaıtý sekildi san-salaly jobalarǵa beriledi. Baıqaýǵa qatysý úshin usynystar 30 maýsymǵa deıin qabyldanbaq.
Batys Qazaqstan