Is-sharaǵa Májilis depýtattary, mınıstrlikterdiń basshylary, ortalyq memlekettik organdardyń, QHA qurylymdarynyń, buqaralyq aqparat quraldarynyń ókilderi qatysty.
Otyrysty ashqan Májilistegi Qazaqstan halqy Assambleıasy depýtattyq tobynyń jetekshisi Saýytbek Abdrahmanov jıynnyń mán-maǵynasyna toqtalyp ótti.
– Parlament Májilisinde Qazaqstan halqy Assambleıasynyń depýtattyq toby qurylǵan. Ol osyndaı eleýli, mańyzdy máseleler boıynsha otyrystardy ótkizip otyrady. Búgingi ótkizip otyrǵan otyrysymyzdyń taqyryby – el Prezıdenti Qasym-Jomart Toqaevtyń saılaýaldy baǵdarlamasynan týyndaıtyn bizdiń depýtattyq toptyń mindetteri. Assambleıa Tóraǵasynyń orynbasary Janseıit Túımebaevtyń baıandamasy, shyǵyp sóılegen depýtattardyń sózderi, tıisti mınıstrlikterden kelgen ókilderge qoıylǵan suraqtar depýtattyq toptyń músheleri jaýapkershilikti sergek sezinetinin kórsetip otyr, – dedi depýtat.
Sonymen qatar eldegi qalyptasqan ahýalǵa áriptesteriniń nazaryn aýdardy.
– Kóp dúnıe ózgeredi, qoǵamda ádilet burynǵydan arta túsedi dep kútip otyrmyz. Onyń naqty joldary – qoǵamnyń bılikke senimin arttyrý máselesi óte kókeıkesti bolyp tur, – dedi S.Abdrahmanov.
Otyrysta negizgi baıandamany jasaǵan Qazaqstan halqy Assambleıasy Tóraǵasynyń orynbasary – Hatshylyq meńgerýshisi Janseıit Túımebaev óz sózinde Prezıdent Qasym-Jomart Toqaevtyń ulyqtaý rásiminde sóılegen sózi Qazaqstannyń jańa tarıhy bastaý alar núktesi bolǵanyn, onda saılaý aldyndaǵy «Igilik – barlyǵy úshin! Sabaqtastyq. Ádildik. Progress» degen tuǵyrnamasynyń erejeleri ǵana emes, olarǵa qol jetkizýdiń negizgi tásilderi de belgilengenin atap ótti.
Sonymen qatar Memleket basshysynyń mańyzdy maqsaty – qoǵamnyń birligin qamtamasyz etý jáne árbir azamattyń quqyǵyn qorǵaý ekenin atap ótti.
– О́tken prezıdenttik saılaýdyń sátti ótýine Qazaqstan halqy Assambleıasynyń barlyq qurylymdary, sonyń ishinde etnomádenı birlestikter, Assambleıanyń Májilistegi depýtattary belsene úles qosqanyn aıta ketken jón. Etnomádenı ortalyqtar Q.Toqaevtyń kandıdatýrasyn qoldaý maqsatynda «Bizdiń tańdaýymyz – birlik pen kelisim!» atty jalpyrespýblıkalyq elektoraldyq aksııasyn júzege asyrdy. Qazaqstan halqy Assambleıasy Nur Otan partııasynyń respýblıkalyq jáne óńirlik qoǵamdyq shtabtaryna óz qatarynan 200-ge jýyq bedeldi tulǵasyn kandıdattyń senimdi ókili retinde jiberdi. Assambleıa budan bólek, el birligin nyǵaıtýǵa baǵyttalǵan 270-ten astam túrli is-sharalar men mádenı baǵdarlamalar uıymdastyrdy. Assambleıa qurylymdary men ókilderi aqparattyq salada da birqatar jumys atqardy, – dedi J.Túımebaev.
QHA Tóraǵasynyń orynbasary Kásipkerler qaýymdastyǵy tarapynan Assambleıa jumysynyń áleýmettik baǵytyn belsendi damytýǵa, jastarmen jáne volonterlik qozǵalystarmen jumysty kúsheıtýge, barlyq qoljetimdi formattar arqyly qazaqstandyq qoǵam birliginiń qundylyqtaryn ilgeriletýge, Qazaqstan halqy Assambleıasy qyzmetiniń jańa tásilderin ázirleýge shaqyrdy.
Baıandamashy, sondaı-aq Assambleıa budan bólek, el birligin nyǵaıtýǵa baǵyttalǵan 270-ten astam túrli issharalar men mádenı baǵdarlamalar uıymdastyrǵanyna toqtaldy.
– Jalpy alǵanda, Assambleıa atqarǵan jumystar Qazaqstandaǵy etnos ókilderiniń biraýyzdan saılaýǵa qatysyp, óz tańdaýyn laıyqty jasaýyna oń yqpal etkeni sózsiz. О́ıtkeni elektoraldy aksııalar arqyly el turǵyndary men barlyq etnostyq toptar aýyzbirshilik tanytyp, Elbasy Nursultan Nazarbaev salǵan sara joldy tańdap, Nur Otan partııasy usynǵan kandıdat Qasym-Jomart Toqaevqa qoldaý bildirdi.
Otyrysta Májilis depýtattary Qýanysh Sultanov, Albert Raý, Beıbit Mamraev, Magerram Magerramov, Natalıa Jumadildaeva, Shaımardan Nurymov sóz sóıledi.
Al jıyndy qorytyndylaǵan Májilis Tóraǵasynyń orynbasary Vladımır Bojko óz sózinde Memleket basshysy Qasym-Jomart Toqaevtyń saılaýaldy tuǵyrnamasynda jáne ulyqtaý rásiminde aıtylǵan bastamalaryn ilgeriletýge jáne túsindirýge belsendi qatysý qajettigine QHA depýtattyq toby músheleriniń nazaryn aýdardy.