Sheteldik ınvestorlardyń úlesi zor

2018 jyldyń qorytyndysy bo­ıynsha tikeleı sheteldik ınves­tısııalardyń jalpy aǵyny 15,8%-ǵa ósip, 24,3 mlrd AQSh dollaryn quraǵan. Taǵy bir erekshe toq­tala keter jaıt, 2018 jyly shetel­dik ınvestorlar 6 myńǵa jýyq turaqty ju­mys ornyn ashqan.

Syrtqy ister mınıstriniń orynbasary E.Kósherbaevtyń aıtýynsha, 2018 jyly negizgi ınves­tor elder qataryna Nıder­landy, AQSh, Shveısarııa, Reseı, Qytaı, Belgııa, Fransııa, Uly­brı­tanııa, jáne Koreıa Respýblı­kasy engen.

Elimizdiń Tuńǵysh Prezı­denti – Elbasy Nursultan Nazar­baev­tyń tapsyrmasy boıynsha, ótken jyldyń jeltoqsan aıynda ınves­tısııalar tartý qyz­meti Syrtqy ister mınıstrligine berildi.

Osylaısha qazirgi tańda ınvestormen jáne jo­bamen naqty jumys isteýge múm­kindik beretin sheteldik me­ke­me­ler-ortalyq-óńir formatyn­da úsh deńgeıli júıe qu­ryldy. Mun­daı mehanızm jańa jobalar men ın­vestorlardy anyq­taýǵa múm­kin­dik beredi, jobany basta­ma­shy­­lyq etý men ony iske asyrý ara­syn­daǵy joldy qys­qartady. So­ny­men qatar jyl basy­nan beri Qazaq­stannyń shet­el­derdegi meke­meleri shetel­dik kom­panııa­larmen 140-qa jýyq kez­desý ótkizip, iske asyrýǵa ále­ýe­ti joǵary 128 jobany anyqtaǵan.

Osy baǵytta Úkimettiń atynan biryńǵaı kelissóz júrgizetin jáne ınvestorlardy ıdeıadan jobany iske asyrýǵa deıin súıemeldeı­tin «Kazakh Invest» ulttyq kompanııasy da mańyzdy ról atqara­dy. Sondaı-aq «Astana» halyqara­lyq qarjy ortalyǵy tıisti qarjy quraldarymen jáne halyqaralyq deń­geıdegi qyz­metterimen óz ala­ńyn usynady.

Baspasóz konferensııasynda sondaı-aq iri jobalardy iske asy­rý úshin rezervter bar basym sek­torlar atap ótildi. Olar – azyq-túlik ónerkásibi, agrohımııa, aýyl­­sharýashylyq tehnıka­sy, gaz hı­mııa­sy, aqparattyq-kom­mý­nı­ka­sııa­lyq tehnologııalar, taý-ken metal­lýrgııalyq kesheni.

Qazaqstandaǵy ınvestısııa­lyq klımatty jaqsartý jónin­degi jumys týraly E.Kósherbaev: «SIM-niń ınvestorlarǵa tek aq­parat pen keńes qana emes, sondaı-aq memlekettik qyz­met ­kórsetýge ar­nalǵan biryń­ǵaı alań bolatyn front-keńse­lerdi qurý boıynsha ju­mystar júrgizip jatyr», dedi. Son­daı-aq Syrtqy ister mınıstri oryn­­basarynyń aıtýynsha, ınves­tı­sııa­lyq klımatty jaqsartý jó­nin­degi jumystar jalǵasa bermek.