Astanada 13-14 maýsym kúnderi dástúrli aýyl sharýashylyǵy jármeńkesi uıymdastyrylady, dep habarlaıdy Egemen.kz qala ákimdiginiń resmı saıtyna silteme jasap.
Jármeńkede elimizdiń ár óńirinen kelgen fermerler men otandyq óndirýshiler óz ónimderin usynady. Kelýshiler kókónis pen jemis-jıdek, et jáne sút ónimderi, un, kondıterlik taǵamdar, tabıǵı shyryndar, tosaptar, djemder jáne basqa da azyq-túlik taýarlaryn satyp ala alady.
Is-shara eki kún boıy, saǵat 10:00-den 19:00-ge deıin elordadaǵy Kerýen joly saýda ortalyǵynda ótedi.
Jármeńkege kelýshiler úshin kólik qatynasy da qolaıly uıymdastyrylǵan. Atalǵan orynǵa №7, 11, 39, 41, 45, 53, 59, 81, 307, 317 baǵytyndaǵy avtobýstar qatynaıdy.
Eske salaıyq, buǵan deıin Almatyda aptap ystyqqa baılanysty jármeńkelerde et satýǵa shekteý qoıylatynyn jazǵan bolatynbyz.