Sharaǵa Joǵary sot sýdıalary, sot sheshimderin iske asyratyn departamentter basshylary qatysty. Sonymen birge kezdesýde jetekshi BAQ-tar basshylary, retteýshi-sýdıalar, oblystyq sottardyń baspasóz qyzmetkerleri boldy. «Bul kezdesý jaqsy dástúrge aınalyp keledi. Osy kezdesýde elimizdegi barlyq jańalyqtardy halyqqa jetkizetin sizderdiń isterińizge alǵys aıtýdyń sáti túsedi. Sizderdiń ádiletti qalam kúshterińizdiń arqasynda halyq bárin bilip otyrady», dedi Jaqyp Asanov óziniń quttyqtaý sózinde.
Odan ári Joǵarǵy sottyń Tóraǵasy sot kadrlarynyń Elbasy tapsyrmalaryn oryndaýdaǵy kásibı sheberlikterine, biliktikterine toqtaldy. Sot júktemeleriniń normadan tys aýyr bolǵanyna, qazir sonyń túzetilgenine nazar aýdardy. Ákimshilik-prosessýaldyq kodekstiń jańa jobasyna memlekettik organdar talap-aryzdy bergen emes, óziniń sheshiminiń durystyǵyn dáleldeý úshin «kinásizdik prezýmpsııasy» engizilgenin aıtty. «Bıyldan bastap sottar jańa zańnamanyń negizinde jumys isteýde. Jańadan 16 zań jobasy ázirlendi, onyń 6-sy qoldanysqa endi, al 7-ýi Májilistiń qorjynynda jatyr. Al úsheýi memlekettik organdardyń kelisýine jiberilgen. Qazir sýdıalardyń kadrlyq sapasyn arttyrý baǵytynda jumystar júrgizilýde. Olardyń artyq júktemeden bosatýdy jáne sot prosesterin ońtaılandyrý qolǵa alyndy», dedi óz sózinde J.Asanov.
Quttyqtaý sharasynda, sonymen birge BAQ-pen ózara is-qımyl jasaý jónindegi retteýshi sýdıa Denıs Shıpp jáne t.b. sóıledi.
Sharanyń sońynda BAQ ókilderine qurmet gramotalary men baǵaly syılyqtar tapsyryldy.