Oǵan Qostanaı, Rýdnyı qalalary men aýdandarda turatyn qolónershiler, sýretshiler shaqyrylyp, olardyń jasaǵan túrli buıymdarynyń kórmesi ótkizildi. Aǵashtan túıin túıetin aǵash sheberi Tańatqan Bojaqovtyń esimi respýblıkaǵa tanymal. Ol negizinen halqymyz qoldanǵan ydystardy jasaıdy.
«Búgingi urpaqtyń jalpy aǵashtan jasalǵan ydystardan túsinigi bolǵanymen, qaı ydysty qandaı aǵashtan jasaý kerktigin, olardyń tehnologııalary týraly bile bermeıdi. Atalar murasyn umytýǵa bolmaıdy. Mysaly, qymyz quıatyn tostaǵan, kese, sapyratyn shómishterdiń birneshe túri bolǵan. Búgingi zamanaýı quraldardy paıdalana otyryp, aǵash ydystardy jańǵyrtyp, jetildire túsýge talpynamyn» deıdi Tańatqan aǵaı. Kórmege qazaqtyń quraq kórpesheleriniń, qorjyndarynyń túr-túri,teriden tigilgen buıymdary, sonymen qatar orys, ýkraın halqynyń asyl tastan jasalǵan áshekeıleri, aǵashtan oıǵan kartınalary da kórermenge rýhanı áser berdi.
«Meni atalarymyzdyń terini óńdegeni, odan túrli turmystyq buıymdar jasaǵany tańqaldyrady. Olar qandaı tehnologııa qoldanǵan? Qazir sheberler olardy jetildirip jasaıdy. Qamshy, attyń er-turmany umytylyp ketse ne bolady? Olar búginge deıin turmysta óte qajetti zattar emes pe? Sol úshin osyndaı festıvalder ótýi kerek. Qolónershiler eńbegi baǵalansa quba qup» deıdi Lısakov qalasyndaǵy bıylǵy mektep túlegi Muhametjan Qadyrhanov.
Festıval kórigin Lısakov qalasyndaǵy «Etnostıl» ansambli qyzdyrdy.
Lısakov qalasy
Qostanaı oblysy