Belsendi jastardyń arasynda stýdenttermen qosa mektep oqýshylary da bar. Olar qoldaryna ketpen ustap, qaýlap ketken aram shópti tazartady. Basqa da abattandyrý, kóriktendirý sharalaryna qatysady.
«Men «Jasyl el» jasaǵyna úshinshi ret qatysyp otyrmyn. Tólenetin eńbekaqy mólsheri qanaǵattandyrady. Jumys óte unaıdy», deıdi M. Qozybaev atyndaǵy SQMÝ-niń stýdenti Ámıná Temirhanova..
«Jasyl el» jastar eńbek jasaǵynyń menedjeri Anton Shıshkanovtyń aıtýynsha, onyń sapynda 16 men 29 jas aralyǵyndaǵy kez kelgen jas eńbek ete alady. 665 jumyskerdiń jartysy orman sharýashylyǵy bazasyna ornalassa, qalǵandary «Taza aýlalar», «Kórikti shahar» syndy túrli aksııalarǵa atsalysady.
Jastar eki maýsym boıy jumys isteıtin bolady. Jasaqtyń ár múshesi 75 myń teńge kóleminde jalaqy alady.
Soltústik Qazaqstan oblysy