Qazir qostanaılyqtar kóbine nysandardy pýltpen kúzetý qyzmetin kóbirek suraıdy. Aýdan, qala ortalyqtarynda otyrǵan turǵyndarǵa da uıaly baılanystyń qyzmetin paıdalanýǵa múmkindik týdy. Bıyl kúzette turǵan páterler sany 17,4 prosentke kóbeıdi, ıaǵnı 135 páter kúzetke alyndy.
Jyl basynan beri polıseıler jeke menshik kúzet uıymdarynyń qyzmetkerlerimen birigip, kúzetke alynǵan nysandardaǵy 37 urlyqqa jol bermedi. 9 qylmystyń beti ashyldy, 19 ákimshilik ereje buzǵandar anyqtaldy. Quqyq buzǵan 66 adam ustaldy. Sıfrlandyrý aıasynda dabyl berýdi mobıldik qosymsha arqyly basqarý kúzet qyzmetindegi jańa beles bolyp tabylady.
Kúzet qyzmetin baqylaý bólimi mamandarynyń aıtýynsha, qosymsha turǵyndardyń planshetine nemese smartfonyna ornatylady. Osy qosymsha arqyly páter nemese basqa da nysan ıesi prıbordy ornatýǵa, alýǵa, monıtorıng júrgizýine bolady. Búginde osyndaı qyzmet túrine 296 nysan ıesi qosyldy.
Degenmen, polıseıler nysandar men páterlerdiń qaýipsiz qorǵalýy úshin turǵyndar kúzet dabyly quralyn ortalyq kúzettiń pýltine qosqany durys dep sanaıdy. Bul óz múlkin ury-qarydan qorǵaýdyń eń tıimdi túri.
Qostanaı